ગુજરાતમાં સ્વાઈન ફ્લૂના કેસોમાં વધારો

ગુજરાતમાં શિયાળાની ધીમીધારે શરૂઆતની વચ્ચે હવે સ્વાઇન ફ્લૂના કેસોમાં પણ વધારો જોવા મળી રહ્યો છે. વિગતો મુજબ રાજ્યમાં ઓક્ટોબર મહિનામાં સ્વાઇન ફ્લૂના 41 કેસ નોંધાયા હતા. મહત્વનું છે કે, વર્ષ 2023માં અત્યાર સુધીમાં સ્વાઇન ફ્લૂના 170 કેસ નોંધાયા છે તો 2 દર્દીના મોત પણ થયા છે. મહત્વનું છે કે, ગત સપ્ટેમ્બર મહિનામાં સ્વાઈન ફ્લૂના 11 કેસ નોંધાયા હતા.
ફૂલગુલાબી ઠંડીની વચ્ચે હવે સ્વાઇન ફ્લૂના કેસો પણ વધી રહ્યા છે. નેશનલ સેન્ટર ફોર ડીસીઝ કંટ્રોલ દ્વારા તાજેતરમાં જાહેર કરાયેલ આંકડા ચોંકાવનારા છે. ડેટા પ્રમાણે રાજ્યમાં પહેલી જાન્યુઆરી 2023થી 31 ઓક્ટોબર સુધી એટલે કે છેલ્લા 10 મહિનામાં સ્વાઇન ફ્લૂના 170 કેસ નોંધાયા છે. મહત્વનું છે કે, સમગ્ર દેશમાં કેસની સંખ્યા મામલે ગુજરાત ચોથા ક્રમમાં છે.