મોહમ્મદ શમી વર્લ્ડ કપ 2023માં પોતાના શાનદાર પ્રદર્શનથી ચર્ચામાં છે. શમીએ દિલ્હીમાં એક ઉત્સવ કાર્યક્રમમાં ગૃહમંત્રી અમિત શાહ અને રાષ્ટ્રીય સુરક્ષા સલાહકાર અજીત ડોભાલ સાથે મુલાકાત કરી હતી. અનુભવી ફાસ્ટ બોલરે તેના ઈન્સ્ટાગ્રામ એકાઉન્ટ પર ભાજપના ટોચના નેતાઓ સાથેની વાતચીતની તસવીરો પોસ્ટ કરી હતી, જે હવે સોશિયલ મીડિયા પર વાયરલ થઈ છે. ભાજપના નેતાઓ સાથે શમીની તસવીરો સામે આવ્યા બાદ ચર્ચાએ જોર પકડ્યું કે શું ભારતીય બોલર હવે રાજકારણમાં આવશે?
આ ઘટના ઈગાસ ઉત્સવની હતી, જે ઉત્તરાખંડનો પરંપરાગત તહેવાર છે. ભાજપના નેતા અનિલ બલુની દ્વારા તેમના નિવાસસ્થાને કાર્યક્રમનું આયોજન કરવામાં આવ્યું હતું. આ અવસર પર મોહમ્મદ શમીની સાથે બોલિવૂડ સિંગર જુબીન નૌટિયાલ, ગૃહમંત્રી અમિત શાહ અને સુરક્ષા સલાહકાર અજીત ડોભાલ પણ સામેલ થયા હતા.
તાજેતરની ઘટનાઓ એ પણ સંકેત આપે છે કે મોહમ્મદ શમી ભાજપમાં જોડાઈ શકે છે. તાજેતરમાં, યુપીના મુખ્ય પ્રધાન યોગી આદિત્યનાથે પણ વર્લ્ડ કપમાં તેના શાનદાર પ્રદર્શનને સન્માનિત કરવા શમીના હોમટાઉન અમરોહામાં ક્રિકેટ સ્ટેડિયમ બનાવવાની યોજનાની જાહેરાત કરી હતી. એટલું જ નહીં તાજેતરમાં જ મોહમ્મદ શમીએ વડાપ્રધાનના વખાણ કર્યા હતા.
ક્રિકેટર મોહમ્મદ શમી રાજકારણમાં કરશે એન્ટ્રી?
શમીએ ઈન્સ્ટાગ્રામ એકાઉન્ટ પર ભાજપના ટોચના નેતાઓ સાથેની તસવીરો પોસ્ટ કરી હતી
