ગઢડા તાલુકાના ઢસા ગામે ભાવનગર રોડ ઉપર ગોપીનાથજી હોટલ નજીક ખાનગી આજે સવારે ટ્રાવેલ્સ અને ટ્રક વચ્ચે અકસ્માત સર્જાયો હતો. જેમાં એક વ્યક્તિનું ઘટનાસ્થળે કમકમાટી ભર્યું મોત થયું હતું. જ્યારે અન્ય ચાર લોકોને ઈજાઓ પહોંચતા તેઓને સારવાર માટે અમરેલી હોસ્પિટલ ખસેડવામાં આવ્યા હતા. બનાવની જાણ થતા ઢસા પોલીસ ઘટના સ્થળે પહોંચી તપાસ હાથ ધરી છે.
બનાવ અંગે જાણવા મળતી વિગતો મુજબ આજે સવારના સમયે ગઢડા તાલુકાના ઢસાગામે ભાવનગર રોડ ઉપર આવેલ ગોપીનાથજી હોટલ નજીક રોડ પર એક ટ્રક પાર્ક કરેલ હતો. ત્યારે સુરત રૂટમાં ચાલતી ગણેશ ટ્રાવેલ્સ ખાનગી બસ સુરતથી આવતી હતી. જે ઢસા ગામે ભાવનગર રોડ પર પહોંચતા ત્યાં ગોપીનાથજી હોટલ નજીક રોડ ઉપર પાર્ક કરેલ ટ્રકની પાછળ ખાનગી બસ ઘુસી જતા અકસ્માત સર્જાયો હતો. જેમાં બસમાં મુસાફરી કરતા એક વ્યક્તિનું ઘટનાસ્થળે કમકમાટી ભર્યું મોત નિપજ્યું હતું. જ્યારે અન્ય ચાર લોકોને ગંભીર ઈજાઓ થતા તેઓને સારવાર માટે અમરેલી હોસ્પિટલ ખસેડવામાં આવ્યા હતા. જ્યારે ઘટનાની જાણ થતાં ઢસા પોલીસ તાત્કાલિક ઘટના સ્થળે પહોંચીને તપાસ હાથ ધરી છે.
