તેલંગાણામાં વિધાનસભા ચૂંટણી પૂર્ણ થયા બાદ લોકસભા ચૂંટણીની તૈયારીઓ શરૂ થઈ ગઈ છે તેમની સાથે ચૂંટણી લડવા માટે પક્ષો અને ઉમેદવારોની શોધખોળ શરૂ કરી દીધી છે. ભારતીય જનતા પાર્ટીએ સામાન્ય ચૂંટણીમાં રાજ્યમાં કોઈપણ પક્ષ સાથે ગઠબંધન નહીં કરવાનો નિર્ણય લીધો છે.
ભાજપના પ્રદેશ અધ્યક્ષ અને કેન્દ્રીય મંત્રી જી. કિશન રેડ્ડીએ શુક્રવારે પાર્ટી કાર્યકર્તાઓને એપ્રિલ-મેમાં યોજાનારી લોકસભાની ચૂંટણી માટે તૈયાર રહેવા જણાવ્યું હતું. તેમણે સ્પષ્ટ કર્યું કે ભાજપ કોઈપણ પક્ષ સાથે ગઠબંધન કરશે નહીં. વિધાનસભા ચૂંટણીમાં ભાજપે અભિનેતા-રાજકારણી પવન કલ્યાણની જનસેના પાર્ટી (JSP) સાથે ગઠબંધન કર્યું હતું. જેએસપીએ આઠ બેઠકો પર ચૂંટણી લડી હતી પરંતુ તેમને એક પણ બેઠક મળી ન હતી. રાજ્યની કુલ 119 બેઠકોમાંથી 111 બેઠકો પર ચૂંટણી લડનાર ભાજપને આઠ બેઠકો મળી છે.વિધાનસભા ચૂંટણીમાં ભાજપની વોટ ટકાવારીમાં વધારો થયો છે.
