પીએમ મોદી 2-3 જાન્યુઆરીએ લક્ષદ્વીપમાં હતા. તેમણે અહીંની તસવીરો શેર કરી અને કહ્યું- પ્રાકૃતિક સૌંદર્ય ઉપરાંત લક્ષદ્વીપની શાંતિ પણ મનમોહક છે. આ પછી માલદીવના લોકોએ ભારતીયોની મજાક ઉડાવવા લાગ્યા. આના વિરોધમાં ભારતમાં #BoycottMaldives વાયરલ થયું છે.
વડાપ્રધાન નરેન્દ્ર મોદી અને ભારત વિશે અપમાનજનક ટિપ્પણી કરનાર માલદીવની મહિલા મંત્રી મરિયમ શિયુના, નાયબ મંત્રીઓ માલશા અને અબ્દુલ્લા મહજૂમ મજીદને સસ્પેન્ડ કરવામાં આવ્યા છે.
માલદીવ સરકારના પ્રવક્તા ઈબ્રાહિમ ખલીલે કહ્યું- ભારત વિશે સોશિયલ મીડિયા પર પોસ્ટના સંદર્ભમાં શું ચાલી રહ્યું છે તે અંગે અમારી સરકારે પોતાનું વલણ સ્પષ્ટ કર્યું છે. વિદેશ મંત્રાલયે પણ એક નિવેદન બહાર પાડ્યું છે. ભારત વિશે ટિપ્પણી કરનારા તમામ સરકારી અધિકારીઓને તાત્કાલિક સસ્પેન્ડ કરવામાં આવી રહ્યા છે. ખલીલે સસ્પેન્ડ કરવામાં આવેલા અધિકારીઓ ( મંત્રીઓ)ના નામ જાહેર કર્યા નથી.
આ પછી, #BoycottMaldives સોશિયલ મીડિયા પર ટ્રેન્ડ થવા લાગ્યો. તે જ સમયે, ઘણી ભારતીય સેલિબ્રિટીઓએ લક્ષદ્વીપમાં પર્યટનને પ્રોત્સાહન આપવા માટે ભારત સરકારની પ્રશંસા અને સમર્થન કર્યું.
