કોંગ્રેસની કેન્દ્રીય ચૂંટણી સમિતિ (CEC) શનિવારે દિલ્હીમાં બેઠક કરશે. જેમાં યુપીમાં અમેઠી અને રાયબરેલી સિવાય બાકીની લોકસભા સીટો માટેના ઉમેદવારોના નામ પર ચર્ચા કરવામાં આવશે. અમેઠીથી રાહુલ અને રાયબરેલીથી પ્રિયંકાના નામને અંતિમ મહોર લાગી શકે છે. રાહુલ અમેઠીથી અને પ્રિયંકા રાયબરેલીથી ચૂંટણી લડશે તે લગભગ નક્કી છે
કોંગ્રેસે અત્યાર સુધીમાં 317 લોકસભા સીટો માટે ઉમેદવારોની જાહેરાત કરી છે. લોકસભા ચૂંટણી માટે પણ બે તબક્કામાં મતદાન થયું છે. આ સાથે 11 રાજ્યો અને 3 કેન્દ્રશાસિત પ્રદેશોની તમામ બેઠકો પર પણ મતદાન પૂર્ણ થઈ ગયું છે. 19 એપ્રિલે પ્રથમ તબક્કામાં 21 રાજ્યોની 102 બેઠકો પર 63% મતદાન થયું હતું. તેમજ, બીજા તબક્કામાં (26 એપ્રિલ), 13 રાજ્યોની 88 બેઠકો પર 67.98% મતદાન થયું હતું. ત્રીજા તબક્કાનું મતદાન 7 મેના રોજ થશે.
