થંડરસ્ટોર્મ એક્ટિવિટીના કારણે ગુજરાતના અનેક જિલ્લામાં તેજ પવન સાથે વરસાદની આગાહી

ગુજરાતમાં આજે મોટાભાગના જિલ્લાઓમાં વરસાદની આગાહી કરાઇ છે. વિગતો મુજબ થંડરસ્ટોર્મ એક્ટિવિટીના કારણે તેજ પવન સાથે વરસાદ વરસી શકે છે. આ સાથે રાજ્યના કેટલાક વિસ્તારોમાં હળવા વરસાદની પણ આગાહી કરાઈ છે. આગામી 4 દિવસ વરસાદની આગાહી કરવામાં આવી છે જેમાં અમદાવાદ, ગાંધીનગર, સુરત અને રાજકોટમાં પણ વરસાદ પડી શકે છે.
આજે ગાંધીનગર,અરવલ્લી, ખેડા, અમદાવાદ, આણંદ, પંચમહાલ, દાહોદ, મહીસાગર, છોટા ઉદેપુર, નર્મદા, ભરૂચ, સુરત, કચ્છમાં વરસાદની આગાહી છે. આ સાથે તાપી, ડાંગ, નવસારી, વલસાડ, સુરેન્દ્રનગર, રાજકોટ, જામનગર, પોરબંદર, જૂનાગઢ, અમરેલી, ભાવનગર, મોરબી, દ્વારકા, ગીર સોમનાથ અને બોટાદમાં વરસાદની આગાહી કરવામાં આવી છે.
આવતીકાલે એટલે કે 18મી જૂનના રોજ અમદાવાદ, ગાંધીનગર, ખેડા, આણંદ, અરવલ્લી, મહીસાગર, પંચમહાલ, દાહોદ, વડોદરા, છોટાઉદેપુર, નર્મદા, ડાંગ, નવસારી, વલસાડ, તાપી અને દમણ, દાદરા નગર હવેલી તથા સૌરાષ્ટ્રના અમરેલી, ભાવનગર, બોટાદ, જુનાગઢ, ગીર સોમનાથ, દીવ જિલ્લામાં છૂટાછવાયા સ્થળોએ હળવાથી મધ્યમ વરસાદની સંભાવના છે.