યુએસ સ્પેસ એજન્સી નાસા ભારતના ગ્રુપ કેપ્ટન શુભાંશુ શુક્લાને સ્પેસ સ્ટેશન મોકલશે, શુક્રવારે એક નિવેદનમાં આ માહિતી આપવામાં આવી હતી. ઈન્ડિયન સ્પેસ રિસર્ચ ઓર્ગેનાઈઝેશન (ISRO) ના હ્યુમન સ્પેસફ્લાઈટ સેન્ટર (HSFC) એ આંતરરાષ્ટ્રીય અવકાશ સ્ટેશન (ISS) માટે તેના આગામી Axiom-4 મિશન માટે યુએસ સ્થિત એક્સિઓમ સ્પેસ સાથે સ્પેસ ફ્લાઈટ એગ્રીમેન્ટ (SFA)માં કરાર કર્યો છે, જેમાં બે ભારતીય મુખ્ય અને બેકઅપ મિશન પાઇલોટ હશે.
શુભાંશુ શુક્લાએ પ્રારંભિક શિક્ષણ સીએમએસ અલીગંજથી કર્યું હતું. હાલમાં તેઓ એરફોર્સમાં વિંગ કમાન્ડર છે. શુભાંશુ શુક્લા નેશનલ ડિફેન્સ એકેડમી (NDA)માંથી પાસ આઉટ થયા બાદ એરફોર્સમાં નિયુક્ત થયા હતા. 17 જૂન 2006ના રોજ, તેઓ એરફોર્સના ફાઇટર સ્ટ્રીમમાં તૈનાત થયા હતા. હાલમાં તે ફાઇટર કોમ્બેટ લીડર અને ટેસ્ટ પાઇલટ તરીકે કામ કરી રહ્યો છે. તેઓ આકાશની ઊંચાઈઓ પર નેવિગેટ કરવામાં માહિર છે. તેની પાસે 2000 કલાકનો ઉડાનનો અનુભવ છે. સેનાના પ્રવક્તાના જણાવ્યા અનુસાર, જગુઆર, ડોર્નિયર, AN-32, MKI, SU-30 અને મિગ 21 થી મિગ 29 સુધી ઉડાવવામાં તેમની પારંગતતા છે.
આ મિશન માટે પસંદ કરાયેલા ચાર વાયુસેના અધિકારીઓને રશિયાના મોસ્કોમાં યુરી ગાગરીન કોસ્મોનૉટ ટ્રેનિંગ સેન્ટરમાં વિશેષ તાલીમ આપવામાં આવી છે. તેમને વજનહીનતા, ઊંડા પાણીના દબાણ સહિત ઘણી જટિલ તાલીમમાંથી પસાર થવું પડ્યું હતું. આ અધિકારીઓને ફેબ્રુઆરી 2020 થી માર્ચ 2021 વચ્ચે તાલીમ આપવામાં આવી હતી.
