અંજારના તાલુકા હેલ્થ ઓફિસર તરીકે છેલ્લાં 14 વર્ષથી કાર્યરત 58 વર્ષીય ડો. અંજારીયાને હનીટ્રેપમાં ફસાવી અશ્લીલ વીડિયો ઉતારી બ્લેકમેઈલ કરીને 30 લાખ રૂપિયા પડાવવાના પ્રયાસે ભારે ચકચાર મચાવી છે.
યુવતીએ ઓફિસરને પોતાની જાળમાં ફસાવવા પહેલાં નોકરીના બહાને વાતચીત શરૂ કરી. બાદમાં વિશ્વાસમાં લઈ રૂબરૂ મુલાકાત કરી. અવારનવાર મુલાકાત વધારી ઘરે બોલાવી ઓફિસરની સામે નિર્વસ્ત્ર થઈ. ત્યાં જ કહેવાતા પતિએ તરત જ પહોંચીને વીડિયો ઉતાર્યો. જે બાદ ઓફિસરને દુષ્કર્મની ખોટી ફરિયાદ કરવાની ધમકી આપી, 30 લાખની માગણી કરતાં અંતે ઓફિસરે પોલીસમાં ફરિયાદ નોંધાવી છે.
