ડલ્લેવાલ 36 દિવસથી ભૂખ હડતાળ પર : સુપ્રીમ કોર્ટ આજે કરશે સ્વાસ્થ્ય મામલે સુનાવણી

ખેડૂત સંગઠનોએ સોમવારે 9 કલાકના બંધનું એલાન આપ્યું હતું. ખેડૂતોના આંદોલનને કારણે સોમવારે પંજાબ થંભી ગયું હતું. કિસાન મંજદૂર (મજૂર) મોરચા અને યુનાઈટેડ કિસાન મોરચાએ બિનરાજકીય બંધનું એલાન આપ્યું હતું. આજે સર્વોચ્ચ અદાલત આમરણાંત ઉપવાસ પર બેઠેલા ખેડૂત નેતા જગજીત સિંહ ડલ્લેવાલના સ્વાસ્થ્ય મામલે સુનાવણી કરવા જઈ રહી છે. ડલ્લેવાલ છેલ્લા 35 દિવસથી ભૂખ હડતાળ પર છે. તેમણે હોસ્પિટલમાં સારવાર કરાવવાની ના પાડી દીધી છે. છેલ્લી સુનાવણીમાં પણ સુપ્રીમ કોર્ટે પંજાબ સરકારને ફટકાર લગાવી હતી અને કહ્યું હતું કે તેમને કોઈ રીતે સારવાર માટે રાજી કરવામાં આવે.
સુપ્રીમ કોર્ટ દ્વારા બનાવવામાં આવેલી પેનલ પણ 3 જાન્યુઆરીએ ખેડૂતો સાથે વાત કરવા જઈ રહી છે. સુપ્રીમ કોર્ટે પંજાબ અને હરિયાણા હાઈકોર્ટના પૂર્વ જજ નવાબ સિંહની અધ્યક્ષતામાં પેનલની રચના કરી હતી. પેનલે ખેડૂતોને વર્ચ્યુઅલ મીટિંગ માટે આમંત્રણ મોકલ્યું છે. આ પેનલમાં હરિયાણાના ભૂતપૂર્વ ડીજીપી બીએસ સંધુ, કૃષિ નિષ્ણાત દેવિન્દર શર્મા, પ્રોફેસર રણજીત સિંહ ખુમાન અને પંજાબ કૃષિ યુનિવર્સિટી, લુધિયાણાના પ્રોફેસર ડૉ. સુખપાલ સિંહનો સમાવેશ થાય છે.
ખેડૂત પ્રતિનિધિઓએ પુષ્ટિ કરી છે કે તેમને 3 જાન્યુઆરીએ વાતચીત માટે આમંત્રણ મળ્યું છે. સમિતિની રચના કરતી વખતે સુપ્રીમ કોર્ટે કહ્યું હતું કે ખેડૂતો સાથે વાત કર્યા પછી તેમની સમસ્યાઓ સાંભળવામાં આવે અને તેમની પાસેથી હાઇવે નજીક ટ્રેક્ટર લેવામાં આવે. ટ્રોલીઓ અને ટેન્ટ દૂર કરવા વિનંતી કરવી જોઈએ. બેન્ચે કહ્યું હતું કે, અમને લાગે છે કે ખેડૂતોને વિશ્વાસમાં લેવું સૌથી જરૂરી છે. ખેડૂતોને શંભુ બોર્ડર અને હાઈવે પરથી કોઈપણ જાતના વિલંબ વગર હટાવવા સમિતિ જે કંઈ સૂચન આપશે તેના પર ગંભીરતાથી વિચાર કરવામાં આવશે. તેનાથી સામાન્ય લોકોને પણ મોટી રાહત મળશે. આ ઉપરાંત ખેડૂતોએ રાજકીય પક્ષોથી પણ અંતર જાળવવું જોઈએ.
ઉપવાસ કરનારા ખેડૂત નેતા જગજીત સિંહ ડલ્લેવાલને હોસ્પિટલમાં લઈ જવા માટે સુપ્રીમ કોર્ટની સમયમર્યાદા ઝડપી નજીક આવી રહી છે, ત્યારે પંજાબ સરકારે સોમવારે દલ્લેવાલને તબીબી સહાય મેળવવા માટે મનાવવાના પ્રયાસો તીવ્ર કર્યા છે. જો કે, તેણે ફરીથી ઇનકાર કર્યો હતો, છેલ્લા કેટલાક દિવસોમાં, ભૂતપૂર્વ અધિક પોલીસ મહાનિર્દેશક જસકરણ સિંહની આગેવાની હેઠળની એક રાજ્ય સરકારની ટીમે ડલ્લેવાલને તબીબી મદદ લેવા માટે મનાવવાના ઘણા પ્રયાસો કર્યા હતા. સુપ્રીમ કોર્ટે તાજેતરમાં પંજાબ સરકારને ડલ્લેવાલને હોસ્પિટલમાં દાખલ કરવા માટે 31 ડિસેમ્બર સુધીનો સમય આપ્યો છે, અને રાજ્ય સરકારને જરૂર પડ્યે કેન્દ્ર પાસેથી મદદ લેવાની સ્વતંત્રતા પણ આપી છે.