અમેરિકાએ ભારત પર લાદ્યો 26% ટેરિફ

અમેરિકી રાષ્ટ્રપતિ ડોનાલ્ડ ટ્રમ્પે પારસ્પરિક ટેરિફ અંગે એક જાહેરાત કરી છે અને તેમણે આ દિવસને મુક્તિ દિવસ તરીકે નામ આપ્યું છે. ડોનાલ્ડ ટ્રમ્પે કહ્યું કે અમે અન્ય દેશો પાસેથી લગભગ અડધા ટેરિફ વસૂલ કરીશું જે તેઓ અમારી પાસેથી વસૂલ કરી રહ્યા છે. તેથી, ટેરિફ સંપૂર્ણપણે પારસ્પરિક રહેશે નહીં. હું તે કરી શકું છું, પરંતુ ઘણા દેશો માટે તે મુશ્કેલ હશે. અમે આ કરવા માંગતા ન હતા.
અમેરિકાના રાષ્ટ્રપતિ ડોનાલ્ડ ટ્રમ્પે વિશ્વભરના દેશોને કહ્યું, ‘જો તમે ઇચ્છો છો કે અમારા ટેરિફ ઘટે, તો પહેલા તમારા પોતાના ટેરિફ ઘટાડો.’ જો તેઓ ફરિયાદ કરવા માંગતા હોય અને તેમના ટેરિફ શૂન્ય રાખવા માંગતા હોય, તો તેમણે અમેરિકામાં તેમના ઉત્પાદનોનું ઉત્પાદન કરવું જોઈએ. જો તમે અમેરિકામાં તમારી ફેક્ટરી અને તમારા ઉત્પાદનો બનાવો છો, તો કોઈ ટેરિફ નહીં લાગે, અને અમે એવી કંપનીઓને અમેરિકામાં આવતી જોઈ છે જે પહેલા ક્યારેય જોવા મળી નથી.
ડોનાલ્ડ ટ્રમ્પે કહ્યું – ટેરિફ આપણા દેશને એવા લોકોથી બચાવે છે જેઓ અમેરિકાના અર્થતંત્રને નુકસાન પહોંચાડવા માંગે છે. ઘણા લોકો અમેરિકાના અર્થતંત્રને નુકસાન પહોંચાડવાનો પ્રયાસ કરી રહ્યા હતા. કદાચ એટલું સ્પષ્ટ નથી, પણ તેઓ ગંભીર આર્થિક નુકસાન પહોંચાડી રહ્યા હતા. પરંતુ વધુ મહત્ત્વની વાત એ છે કે, આ ટેરિફ આપણને અભૂતપૂર્વ વૃદ્ધિ આપશે. આ ટેરિફ આપણને એવી વૃદ્ધિ આપશે જે તમે પહેલાં ક્યારેય નહીં જોઈ હોય.
ડોનાલ્ડ ટ્રમ્પે જાહેરાત કરી છે કે તેઓ કયા દેશ પર કેટલો ટેરિફ લગાવશે. ટ્રમ્પના ભાષણની સાથે આનો અમલ પણ થઈ રહ્યો છે. ચીન – ૩૪%, યુરોપિયન યુનિયન – 20%, જાપાન – 24%, દક્ષિણ કોરિયા – 25%, સ્વિટ્ઝર્લૅન્ડ – ૩૧%, યુનાઇટેડ કિંગડમ – 10%, તાઇવાન – ૩૨%, મલેશિયા – 24%, ભારત – ૨૬%