ઉત્તરાખંડના અલ્મોડા જિલ્લામાં એક મોટો માર્ગ અકસ્માત થયો છે. એક બસ ખાડામાં પડી ગઈ હોવાના અહેવાલ છે. આ અકસ્માતમાં સાત લોકોના મોત થયા છે. અનેક મુસાફરો ઘાયલ થયાના અહેવાલ છે. પોલીસ અને વહીવટીતંત્રની ટીમો ઘટનાસ્થળે પહોંચી ગઈ છે અને બચાવ કામગીરી શરૂ કરી દેવામાં આવી છે.
આકસ્મતની આ ઘટના અંગે મળતી માહિતી મુજબ, ભીકિયાસૈન વિસ્તારના શિલાપાનીમાં એક બસ અકસ્માતનો ભોગ બની છે. બસ ખાડામાં પડી ગઈ છે. આ અકસ્માતમાં સાત લોકોના મોત થયાના અહેવાલ છે. બસ લગભગ 12 મુસાફરો સવાર હોવાનું જાણવા મળે છે.
ઘટનાની જાણ થતાં જ વહીવટીતંત્ર અને રાહત ટીમો ઘટનાસ્થળે દોડી ગઈ હતી. સ્થળાંતર અને તબીબી સહાય ચાલુ છે. મૃતકો અને ઘાયલોની સંખ્યાની સત્તાવાર પુષ્ટિની રાહ જોવાઈ રહી છે.
ઉત્તરાખંડમાં બસ દુર્ઘટનામાં સાત લોકોના મોત
અલ્મોડા જિલ્લાની ઘટનામાં અન્ય મુસાફરોને ઇજા : પોલીસ અને વહીવટી તંત્ર દ્વારા બચાવ કામગીરી હાથ ધરવામાં આવી
