જિલ્લાના જેસર તાલુકાના રાણી ગામમાં તે સમયે ભારે રોમાંચ અને ભયનો માહોલ સર્જાયો જ્યારે એક દીપડો સીધો ગ્રામ પંચાયત કચેરીની અંદર ઘૂસી ગયો હતો. દીપડાના આ અણધાર્યા આગમનથી સ્થાનિક રહીશોમાં ફફડાટ વ્યાપી ગયો હતો અને લોકોમાં કુતૂહલ સાથે ડરનો માહોલ જોવા મળ્યો હતો.
ઘટનાની ગંભીરતાને સમજીને જેસર વન વિભાગની ટીમ તાબડતોબ ઘટનાસ્થળે દોડી ગઈ હતી. વન વિભાગના તજજ્ઞ અધિકારીઓ અને સ્ટાફે અત્યંત સાવચેતીપૂર્વક વ્યુહરચના ગોઠવીને રેસ્ક્યુ ઓપરેશન હાથ ધર્યું હતું. પંચાયત કચેરીની અંદર ઘેરાયેલા દીપડાને કોઈ પણ ઈજા વગર સુરક્ષિત રીતે પાંજરામાં કેદ કરી લેવાયો હતો. દીપડાને આબાદ ઝડપીને સુરક્ષિત સ્થળે ખસેડાતા જ પંચાયતના સ્ટાફ અને ગ્રામજનોએ હાશકારો અનુભવ્યો હતો.
