કચ્છના ખાવડામાં ગોઝારો અકસ્માત, 7 લોકોના મોત

કચ્છના ખાવડા સ્થિત આરી પાર્ક વિસ્તારમાં પોલીસ ચેકપોસ્ટથી આરી પાર્ક તરફ જતા રસ્તા પર કામદારોને ભરીને જઈ રહેલી એક બોલેરો ગાડીને ડમ્પર (બ્લેકર) દ્વારા જોરદાર ટક્કર મારવામાં આવતા એક અત્યંત ગમખ્વાર અકસ્માત સર્જાયો છે, જેમાં બોલેરોમાં સવાર ૧૫ થી વધુ કામદારો પૈકી ૭ શ્રમિકોના કમકમાટીભર્યા મોત નીપજ્યા છે અને અન્ય કેટલાક લોકો ગંભીર રીતે ઈજાગ્રસ્ત થયા છે; આ ભયાનક દુર્ઘટનાને પગલે મૃતદેહોને પીએમ માટે ખાવડાથી ભુજ ખસેડવાની કવાયત હાથ ધરવામાં આવી છે, જ્યારે આરી પાર્ક વિસ્તારમાં બનેલી આ પ્રથમ મોટી દુર્ઘટનાને લઈને પોલીસે અકસ્માતનો ગુનો નોંધીને વધુ તપાસ શરૂ કરી છે.
કચ્છના ખાવડા નજીક આવેલા આરી પાર્ક તરફ જવાના માર્ગ પર ગત મોડી રાત્રે ગમખ્વાર અકસ્માત સર્જાયો હતો. શ્રમિકોને લઈ જઈ રહેલી પિકઅપને એક પુરપાટ ઝડપે આવતી ટ્રકે જોરદાર ટક્કર મારતાં સર્જાયેલી આ દુર્ઘટનામાં 7 જેટલા શ્રમિકોનાં મોત નીપજ્યાં હતા. આરી પાર્ક વિસ્તારમાં આટલી મોટી સંખ્યામાં જાનહાનિ ધરાવતો આ પહેલો અકસ્માત હોવાથી લોકોમાં અરેરાટી વ્યાપી ગઈ છે. પોલીસે અકસ્માત સર્જનાર ટ્રકચાલક સામે ગુનો નોંધી આગળની કાર્યવાહી હાથ ધરી છે.
મળતી માહિતી અનુસાર, મોડી રાત્રે શ્રમિકોને લઈને જઈ રહેલી પિકઅપ જ્યારે આરી પાર્ક તરફના રસ્તા પરથી પસાર થઈ રહી હતી. ત્યારે સામેથી આવતી ટ્રકે તેને જોરદાર ટક્કર મારી હતી. આ પિકઅપમાં 15થી વધુ શ્રમિકો સવાર હતા. આ અકસ્માતમાં 7 શ્રમિકોએ પોતાના જીવ ગુમાવ્યા છે, જ્યારે અન્ય કેટલાક શ્રમિકો ગંભીર રીતે ઈજાગ્રસ્ત થતાં તેને તાત્કાલિક સારવાર અર્થે નજીકની હોસ્પિટલમાં ખસેડવામાં આવ્યા છે. દુર્ઘટનાની જાણ થતાં જ પોલીસ કાફલો અને ઈમરજન્સી સેવાઓ તાત્કાલિક ઘટનાસ્થળે દોડી ગઈ હતી. પોલીસે ઈજાગ્રસ્તોને રેસ્ક્યૂ કરી સારવાર અર્થે પહોંચાડ્યા હતા અને તમામ 7 મૃતકોના મૃતદેહોને ખાવડાથી ભુજ ખાતે પોસ્ટમોર્ટમ અર્થે મોકલવાની તજવીજ હાથ ધરી હતી. આરી પાર્ક વિસ્તારમાં આટલી મોટી સંખ્યામાં જાનહાનિ ધરાવતો આ પહેલો અકસ્માત હોવાથી લોકોમાં અરેરાટી વ્યાપી ગઈ છે. પોલીસે અકસ્માત સર્જનાર ટ્રક ચાલક સામે ગુનો નોંધી આગળની સઘન તપાસ અને કાયદેસરની કાર્યવાહી હાથ ધરી છે.