મુખ્ય ચૂંટણી કમિશનર જ્ઞાનેશ કુમારના રાજીનામા અને SIR રોકવાની માગને લઈને દિલ્હીના જંતર-મંતર અને કનોટ પ્લેસ પર કોકરોચ જનતા પાર્ટીના સમર્થકો એકઠા થવા લાગ્યા છે. પોલીસે અત્યાર સુધીમાં અસંખ્ય લોકોને કસ્ટડીમાં લીધા છે.
આ વિસ્તારોમાંથી પ્રદર્શનકારીઓને હટાવવામાં આવી રહ્યા છે. અનેક સ્થળોએ પોલીસ અને પ્રદર્શનકારીઓ વચ્ચે ધક્કામુક્કી જેવી સ્થિતિ જોવા મળી. બીજી તરફ, દીપકે મુંબઈથી દિલ્હી જવા રવાના થઈ ગયા છે. તેમણે કહ્યું- “આ તાકાત નહીં, ડરની નિશાની છે, મોદીએ હાર સ્વીકારી લીધી છે.”આ વિસ્તારોમાં 38 હજારથી વધુ સુરક્ષાકર્મીઓ તૈનાત છે, જેમાં BSFના જવાનો પણ સામેલ છે. નવી દિલ્હી અને હઝરત નિઝામુદ્દીન સ્ટેશન પર આવતી 250 મેલ અને એક્સપ્રેસ ટ્રેનો આજે રદ રહેશે.45 મેટ્રો સ્ટેશન બંધ કરવામાં આવ્યા છે, જ્યારે 10 ડિટેન્શન સેન્ટર બનાવવામાં આવ્યા છે. બીજી તરફ, ઈન્ડિયા ગેટની આસપાસ 4 કિલોમીટરના વિસ્તારમાં શુક્રવાર રાત્રે 10 વાગ્યાથી આજ રાત્રે 10 વાગ્યા સુધી ઈન્ટરનેટ બંધ રહેશે.
કનોટ પ્લેસના ઇનર સર્કલમાં ઇન્દિરા ચોક આવેલો છે. અહીંથી થોડે જ અંતરે જંતર-મંતર છે. સવારે 6.30 વાગ્યે પોલીસે પ્રદર્શનકારીઓને હટાવ્યા.હતા. કેટલાક વિદ્યાર્થીઓ જાહેર શૌચાલયમાં છુપાયા હતા, ત્યાંથી લગભગ 50 વિદ્યાર્થીઓને વાહનમાં ભરીને લઈ જવામાં આવ્યા.હતા. ઇન્દિરા ચોક પર 100થી વધુ લોકોને અટકાયતમાં લેવામાં આવી ચૂક્યા છે. જે લોકો આવી રહ્યા છે, જો તેમની પાસે ઓળખપત્ર નથી તો પોલીસ તેમને વાહનમાં બેસાડીને લઈ જઈ રહી છે.
દિલ્હી છાવણીમાં ફેરવાઈ, 38 હજાર જવાનો તૈનાત
CJPના પ્રદર્શનને ધ્યાનમાં રાખીને દિલ્હીમાં સુરક્ષા વધારી દેવામાં આવી છે. રેલવે સ્ટેશનો પર આવતા મુસાફરો અને હોટેલોમાં રોકાતા લોકોની તપાસ કરવામાં આવી રહી છે. પ્રદર્શનમાં સામેલ થવા માટે દિલ્હી આવનારા લોકો પર નજર રાખવામાં આવી રહી છે.
