ભાવનગર યુનિવર્સિટી કેમ્પસમાં આવેલ એક્સ્ટર્નલ વિભાગના પાર્કિંગમાં સ્કૂટરની ડીકીમાંથી મોબાઇલની ચોરી કરનાર તસ્કર અને ઇનારકો કંપનીના સહકર્મચારીના મોબાઇલની ચોરી કરનાર શખ્સને એલ.સી.બી.એ ઝડપી લઈ પાંચ મોબાઈલ કબજે કર્યા હતા.
લોકલ ક્રાઇમ બ્રાન્ચનાં માણસો શહેર વિસ્?તારમાં પેટ્રોલિંગમાં હતા તે દરમિયાન કાળીયાબીડ,પાણીની ટાંકી પાસે,રામમંત્ર મંદિર તરફ એક માણસ આવતાં-જતાં માણસોને અલગ-અલગ મોબાઇલ બતાવી વેચાણ કરવા માટે પુછપરછ કરતો હોઈ પોલીસે યશ રવિભાઇ હિરાણી ( ઉ.વ.૧૯ ) ધંધો-અભ્યાસ રહે.પ્લોટ નં.સી/૨૪૯૯, સત્યનારાયણ સોસાયટી, કાળીયાબીડ, ભાવનગરવાળા પાસેથી ૪ મોબાઇલ મળી આવેલ. તેની પાસે મોબાઇલ અંગે બિલ કે આધાર માંગતાં નહિ હોવાનું જણાવેલ.જે મોબાઇલ ફોન તેણે ચોરી અગર તો છળ કપટથી મેળવેલ હોવાનું જણાય આવતાં શક પડતી મિલ્કત ગણી તપાસ અર્થે કબ્જે કરવામાં આવેલ. આ મોબાાઇલ ફોન અંગે પુછપરછ કરતાં જણાવેલ કે, તેણે ગઇ તા.૧૫/૦૯ નાં રોજ ભાવનગર,યુનિવર્સીટીમાં એકસટર્નલ વિભાગના પાર્કિંગમાં પાર્ક કરેલ એક સ્કુટરમાં અમુક વિદ્યાર્થીઓએ મુકેલ મોબાઇલ ફોન-૦૪ સ્કુટરની ડીકી ખોલીને ચોરી કરી હતી.
આ ઉપરાંત એલ.સી.બી.એ સરદારનગર સર્કલથી રૂપાણી સર્કલ રોડ,સ્વામીનારાયણ સ્કુલના ગેટ પાસેથી મયુર મેપાભાઈ ચાવડા ( ઉ.વ.૨૨) ધંધો-પ્રા.નોકરી રહે. ઠાકર દુવારા પાસે, માલધારી સોસાયટી, શહેર ફરતી સડક, ભાવનગરવાળા પાસેથી સફેદ કલરનો એપલ કંપનીનો આઇફોન-૧૧ મોબાઇલ ફોન-૧ કિં. રૂ.૨૫ હજાર મળી આવેલ.આ મોબાાઇલ ફોન અંગે પુછપરછ કરતાં જણાવેલ કે, તેણે ગઇ તા.૧૯/૦૯ ના રોજ ઇનારકો કંપનીમાં તેનાં સહકર્મીનાં ખિસ્સામાંથી ચોરી કરી લીધેલ હોવાનું જણાવતા તેની અટક કરી હતી..
