વર્તમાન સરકારની આજે અંતિમ કેબિનેટ બેઠક

ગુજરાતમાં ચૂંટણી માથે છે અને તમામ પાર્ટીઓ દ્વારા પ્રચાર પણ પ્રચંડ કરી દેવામાં આવ્યો છે ત્યારે હવે બસ મતદાનની તારીખોની જાહેરાત કરવામાં આવે તેની રાહ જોવામાં આવી રહી છે. એવામાં ગુજરાતમાં વર્તમાન સરકારની અંતિમ કેબિનેટ બેઠક આજે બપોરે અઢી વાગે મળવાની છે.
ચૂંટણી પહેલા સરકારની અંતિમ કેબિનેટ બેઠકમાં પ્રજાને લગતી મોટી જાહેરાત કરવામાં આવે તેવી શક્યતા જોવાઈ રહી છે. ચૂંટણીને અસર કરતાં તથા ખેડૂતોને લગતા કેટલાક મોટા નિર્ણયની આજે સરકાર દ્વારા જાહેરાત કરવામાં આવી શકે છે.