દરરોજ વધતી મોંઘવારીની વચ્ચે સિંગતેલ, કપાસિયા તેલ, પામોલિન અને સનફ્લાવર તેલના ભાવમાં લાંબા સમય બાદ ઘટાડો નોંધાયો છે. શનિવારે કપાસિયા, સિંગતેલ, પામેલિન અને સનફ્લાવર તેલના ભાવમાં ઘટાડો થયો છે. કપાસિયા તેલના ડબ્બાના ભાવમાં રૂ.200નો ઘટાડો નોંધાયો છે. જ્યારે સિંગતેલ અને પામોલિન તેલના ભાવમાં ડબ્બે રૂપિયા 100નો ઘટાડો નોંધાયો છે. સાથે જ સનફ્લાવર તેલ પણ સસ્તુ થયું છે. જેમાં સૌથી વધારે ઘટાડો થયો છે. સનફ્લાવર તેલના ડબ્બાના ભાવમાં રૂ.400નો ઘટાડો નોંધાયો છે.
કપાસની મબલક આવક થતાં હાલ રાજ્યમાં કપાસિયા તેલના ભાવમાં ઘટાડો નોંધાયો છે. કપાસિયા તેલનો ડબ્બો 200 રૂપિયા સસ્તો થયો છે. હજુ પણ તેલના ભાવમાં ધટાડો થવાની સંભાવના હોવાનું વેપારીઓ જણાવી રહ્યા છે. તેલના વેપારીએ જણાવ્યું કે, કપાસિયા તેલના ભાવ ઘટતા તેલનો ડબ્બો રૂ.2250એ પહોંચ્યો છે. સીંગતેલ તેલના ડબ્બાના ભાવ રૂ.2600 લેખે થઈ ગયા છે. જોકે, બજારમાં ગુણવતાયુક્ત મગફળી આવતી ન હોવાથી મગફળીના ભાવમાં નોંધપાત્ર ઘટાડો નોંધાયો નથી.
