મહુવાના આંગણકા ગામમાં ડિગ્રી વગર પ્રેક્ટિસ કરતા બે બોગસ ડોક્ટરની ધરપકડ

મહુવા તાલુકાના આંગણકા ગામમાં ડિગ્રી વગર તબીબી પ્રેક્ટિસ કરતા બે બોગસ ડોકટરોને એસ.ઓ.જી.એ ઝડપી લઈ બન્ને વિરુદ્ધ બગદાણા પોલીસ મથકમાં ગુનો દાખલ કરાવ્યો હતો.
એસ.ઓ.જી.પોલીસે મહુવા તાલુકાના આંગણકા ગામમાં આવેલ ખડસલીયા ગામ જવાના રોડ પર ડિગ્રી વગર દવાખાનું ખોલી તબીબી પ્રેક્ટિસ કરતા રામજીભાઈ લાભશંકર લાધવા (ઉ વ.૪૪) રહે.દુદાણા (ગણેશ હોસ્પિટલ) અને રાજેશ છગનભાઇ જાેળીયા (ઉ.વ.૨૬) રહે.રાણીવાડા (શાશ્વત હોસ્પિટલ)ને ઝડપી લઈ બન્નેના કબજામાંથી રૂ.૨૬,૬૩૦ની દવા અને મેડિકલ સાધનો કબજે કર્યા હતા.
એસ.ઓ.જી.એ બન્ને બોગસ ડોક્ટરો વિરુદ્ધ બગદાણા પોલીસ મથકમાં ગુનો દાખલ કરાવી કાયદેસર કાર્યવાહી હાથ ધરી હતી.