ભાવનગરના આડોડીયાવાસ વિસ્તારમાં આવેલ ત્રણ મહિલાના મકાનમાં ઘોઘારોડ પોલીસે દરોડો પાડી ઈંગ્લીશ દારૂ અને બિયરના ટીન બરામત કરી મહિલાઓ વિરુદ્ધ પ્રોહીબિશનની કલમો હેઠળ ગુનો દાખલ કર્યો હતો.
ઘોઘારોડ પોલીસે ગત મોડી સાંજે શહેરના આડોડીયાવાસમાં રહેતી અંજનાબેન દીપકભાઈ રાઠોડના મકાનમાં દરોડો પાડી બિયરના ૧૦ ટીન કિં. રૂ.૧૦૦૦ કબજે કર્યા હતા,જ્યારે મહિલા હાજર મળી આવી ન હતી.
આ ઉપરાંત આ વિસ્તારમાં આવેલ રીટાબેન સુદેશભાઈ પરમારના મકાનમાં દરોડો પાડી ઈંગ્લીશ દારૂની ૫ બોટલ કિં. રૂ.૧૭૫૦ કબજે કરી હતી.તેમજ મુન્નીબેન દીપકભાઈ રાઠોડના મકાનમાંથી ઈંગ્લીશ દારૂના ફ્રુટી ટાઈપના ૧૩ નંગ કિં. રૂ.૧૩૦૦ કબજે કર્યા હતા.
ઘોઘારોડ પોલીસે કુલ રૂ.૪,૦૫૦ ની કિંમતનો વિદેશી દારૂ અને બિયર કબજે કરી ત્રણેય મહિલાઓ વિરુદ્ધ પ્રોહીબિશનની કલમો હેઠળ ગુનો નોંધી તેને ઝડપી લેવા તજવીજ હાથ ધરી હતી.
