માઇક્રોબ્લોગિંગ પ્લેટફોર્મ ટ્વિટરની કમાન સંભાળ્યા પછી, કંપનીના નવા બોસ એલોન મસ્કે કંપનીની આવક વધારવા અને ખર્ચ ઘટાડવા માટે ઘણા મોટા નિર્ણયો લીધા હતા અને એ નિર્ણયોમાંથી રક હતો ટ્વિટર બ્લુ ટિક માટે યુઝર્સે પૈસા ચૂકવવાનો નિર્ણય. જણાવી દઈએ કે ટ્વિટરે હવે ભારતમાં યુઝર્સ માટે બ્લુ ટિક માટે પૈસા વસૂલવાની આ સેવા શરૂ કરી છે. ટ્વિટરે ભારતમાં પણ તેની સબસ્ક્રિપ્શન સેવા શરૂ કરી છે
ભારતમાં ટ્વિટર બ્લુ સેવાની કિંમત 650 રૂપિયા પ્રતિ મહિનાથી શરૂ કરવામાં આવી છે. અંહિયા નોંધનીય છે કે વેબ યુઝર્સને ટ્વિટર બ્લુ માટે દર મહિને 650 રૂપિયા ચૂકવવા પડશે પણ એ સામે જ મોબાઈલ યુઝર્સ માટે તે દર મહિને 900 રૂપિયા ચૂકવવા પડશે. આ બ્લુ ટિકનો ચાર્જ ભારતમાં એન્ડ્રોઈડ અને એપલ આઈફોન બંને યુઝર્સ માટે સમાન છે.
જો તમે વેબ યુઝર છો અને બ્લુ ટિક ઈચ્છો છો તો તમારે કંપનીને દર મહિને માત્ર 650 રૂપિયા ચૂકવવા પડશે, આ સાથે જ જો કોઈ યુઝર વાર્ષિક પ્લાન લે છે, તો તેને દર મહિને 566.70 રૂપિયા ખર્ચવા પડશે એટલે કે વાર્ષિક 6,800 ચૂકવવા પડશે. ટ્વિટરે ભારતીય મોબાઈલ યુઝર્સ માટે ભારતમાં ટ્વિટર બ્લુ ટિક પ્રાઈસ માટે દર મહિને 900 રૂપિયા વસૂલવાનું નક્કી કર્યું છે.
ટ્વિટરે તાજેતરમાં અમેરિકા, બ્રિટન, કેનેડા, ઓસ્ટ્રેલિયા, ન્યુઝીલેન્ડ અને જાપાન સહિતના કેટલાક દેશોમાં ટ્વિટર બ્લુ સેવા શરૂ કરી છે. આ દેશોમાં, વેબ યુઝર્સ માટે ટ્વિટરનું બ્લુ સબસ્ક્રિપ્શન ચાર્જ દર મહિને $8 છે. વાર્ષિક સબ્સ્ક્રિપ્શન લેવા માટે $84 ખર્ચવા પડશે. Twitter Android વપરાશકર્તાઓ પાસેથી $3 વધુ ચાર્જ કરીને Google ને કમિશન ચૂકવશે.
આ ફીચર્સ ટ્વિટર બ્લુ પર ઉપલબ્ધ હશે
ટ્વિટર બ્લુ સબસ્ક્રિપ્શનની સાથે યુઝર્સને બ્લુ ચેકમાર્ક અથવા ટિક પણ આપવામાં આવે છે. આની સાથે યુઝર્સને ટ્વીટ એડિટ કરવાનો, 1080p વિડિયોમાં વીડિયો અપલોડ કરવાનો અને રીડર મોડને ઍક્સેસ કરવાનો વિકલ્પ મળશે. સાથે જ ટ્વિટર યુઝર્સને ઓછી જાહેરાતો જોવા મળશે જ્યારે બિન-સબ્સ્ક્રાઇબર્સને આગામી સમયમાં વધુ જાહેરાતો જોવા મળશે. કંપનીએ કહ્યું છે કે વેરિફાઈડ યુઝર્સના ટ્વીટને જવાબો અને ટ્વીટ્સમાં પણ પ્રાથમિકતા મળશે. એટલું જ નહીં, આ સેવા લેનારા યુઝર્સ 4000 અક્ષરો સુધીની ટ્વિટ પોસ્ટ કરી શકશે.
