મહુવામાં માતાના ઘરે આવેલી પરિણીતા ઉપર શખ્સનું દુષ્કર્મ

મહુવામાં માતાના ઘરે આંટો મારવા આવેલી પરિણીતાને તેની માતાના ઘર નજીક રહેતા શખ્સે પરિણીતા અને તેના પતિને મારી નાખવાની ધમકી આપી એક જ દિવસમાં બે વખત દુષ્કર્મ કરતા પરિણીતાએ મહુવા પોલીસ મથકમાં ફરિયાદ નોંધાવી હતી.
આ અંગે પ્રાપ્ત વિગતો મુજબ મહુવામાં રહેતા માતાને મળવા માટે આવેલ પરિણીતા તેની માતાના ઘરે એકલા હતા ત્યારે આ જ વિસ્તારમાં રહેતો કિરીટ ધીરુભાઈ ધરણીયા ગામનો શખ્સ ઘરે આવ્યો હતો અને તેની માતાની પૂછપરછ કરી પરિણીતાની એકલતાનો લાભ લઈ તેને તથા તેના પતિને મારી નાખવાની ધમકી આપી દુષ્કર્મ ગુજારી જતો રહ્યો હતો. બાદમાં બપોરના સમયે ફરી વખત આ શખ્સે આવી ધમકી આપી બળાત્કાર ગુજરી ફરાર થઈ ગયો હતો.
આ બનાવ અંગે પરિણીતાએ મહુવા પોલીસ મથકમાં ફરિયાદ નોંધાવતા મહુવા પોલીસે આઈ.પી.સી. કલમ ૩૭૬,૫૦૬(૨) મુજબ ગુનો નોંધી તપાસ હાથ ધરી હતી.