એનઆઇએના દરોડામાં ગુજરાતમાંથી 15 શકમંદોની અટકાયત

પોપ્યુલર ફ્રન્ટ ઓફ ઇન્ડિયા (પીએફઆઇ)ના કેસના સંદર્ભમાં નેશનલ ઇન્વેસ્ટિગેશન એજન્સી એ સમગ્ર દેશમાં પાડેલા દરોડામાં ગુજરાતમાં અમદાવાદ, નવસારી, સુરતઅને બનાસકાંઠામાં 15 જેટલા શકમંદોની અટકાયત કરી છે.
પોપ્યુલર ફ્રન્ટ ઓફ ઇન્ડિયાના કેસના સંદર્ભમાં નેશનલ ઇન્વેસ્ટિગેશન એજન્સીએ સમગ્ર દેશમાં પાડેલા દરોડામાં ગુજરાતમાં અમદાવાદ, નવસારી, સુરતઅને બનાસકાંઠામાં 15 જેટલા શકમંદોની અટકાયત કરી છે. રાજકોટમાં પણ પીએફઆઈ સાથે કેટલાક શખ્સો જોડાણ ધરાવતા હોવાની શંકાના આધારે સુરક્ષા એજન્સીએ ખાનગી ધોરણે તપાસ આદરી છે. ટૂંક સમયમાં જ રાજકોટના દેશદ્રોહીઓ જાહેર થશે તેવા નિર્દેશ પણ મળી રહ્યા છે.
નેશનલ ઇન્વેસ્ટિગેશન એજન્સીએ કચ્છ ગાંધીધામનાકિડાણામાં કુલવિંદર સિદ્ધુ નામના શખસની તપાસ હાથ ધરી છે. કુલવિંદર સિદ્ધુ લોરેન્સ બિશ્નોઈ સાથે લાંબા સમયથી જોડાયેલો છે. પહેલાં પણ બિશ્નોઈ ગેંગને આશરો આપવાના મામલામાં કુલવિંદરનું નામ સામે આવી ચૂક્યું છે. કુલવિંદર સિદ્ધુ આંતરરાષ્ટ્રીય ડ્રગ્સ સિન્ડિકેટમાં પણ જોડાયેલો છે એવું સૂત્રો જણાવી રહ્યાં છે. પોપ્યુલર ફ્રન્ટ ઓફ ઇન્ડિયા દ્વારા બેહિસાબી નાણાકીય લેવડદેવડ અંગે એનઆઇએ દ્વારા રાષ્ટ્રવ્યાપી દરોડા પાડી 200 કરોડના બેહિસાબી વ્યવહારોનો પર્દાફાશ કરવામાં આવ્યો હતો. પીએફઆઇ એકમો ગુજરાતમાં હોવાનું એનઆઇએના ધ્યાન પર આવતા એટીએસની ટીમને સાથે રાખી અમદાવાદ, નવસારી, સુરત અને બનાસકાંઠામાં દરોડા પાડ્યા હતા અને અત્યાર સુધીમાં 15 જેટલા શખ્સોની અટકાયત કરી છે. રાજકોટના કેટલાક શખ્સોને પણ પીએફઆઇ સાથે જોડાણ હોવાની શંકાના આધારે એનઆઇએએ તપાસ શરૂ કરી છે. ટૂંક સમયમાં જ રાજકોટના દેશદ્રોહીઓ જાહેર થશેતેવા નિર્દેશો પણ મળી રહ્યા છે.