Organ Affected By Diabetes: ડાયાબિટીસ એક ખૂબ જ જટિલ રોગ છે, જે વ્યક્તિ તેની સાથે જીવી રહ્યા છે, તે પ્રાર્થના કરે છે કે તેના દુશ્મનોને પણ આવી સમસ્યાઓનો સામનો કરવો ન પડે. માત્ર ભારતમાં જ નહીં, સમગ્ર વિશ્વમાં મોટી સંખ્યામાં લોકો આ રોગનો શિકાર છે અને દર વર્ષે દર્દીઓની સંખ્યા વધી રહી છે. આ રોગ શરીરને અંદરથી તોડી નાખે છે કારણ કે ઘણા અંગો પર તેની ખૂબ જ ખરાબ અસર પડે છે.
શું હોય છે ડાયાબિટીસ ?
જો કે, ડાયાબિટીસ જેનેટિક કારણોસર પણ થઈ શકે છે, પરંતુ મોટાભાગના કિસ્સાઓમાં તે આપણી અવ્યવસ્થિત જીવનશૈલી અને બિનઆરોગ્યપ્રદ આહાર આદતોને કારણે થાય છે. તમે અવારનવાર જોયું હશે કે જેને ડાયાબિટીસ છે, તેને અન્ય ઘણી બીમારીઓ પણ ધીમે-ધીમે લાગી જતી હોય છે.
ડાયાબિટીસના દર્દીઓએ પોતાની ખાણી-પીણીની આદતો અને જીવનશૈલીનું ખાસ ધ્યાન રાખવું પડે છે, નહીંતર તેમનું સ્વાસ્થ્ય ગમે ત્યારે બગડી શકે છે. સૌથી જરૂરી છે કે, બ્લડ શુગર લેવલ (Blood Sugar Level) ને કંટ્રોલમાં રાખવું જોઈએ, જેથી બિનજરૂરી ખતરો ઉભો ન થાય. તેના માટે દરરોજ ગ્લુકોમીટરની મદદથી ગ્લુકોઝ ટેસ્ટ કરાવવો જોઈએ.
ડાયાબિટીસના કારણે આ અંગો પર પડે છે અસર
હાર્ટ એટેક
ડાયાબિટીસના દર્દીઓને ઘણીવાર હૃદયની બીમારીઓ થવા લાગે છે. ડાયાબિટીસના ઘણા દર્દીઓ હાર્ટ એટેકનો શિકાર બને છે, જેના કારણે જીવ પણ જઈ શકે છે. એટલા માટે કોલેસ્ટ્રોલ લેવલને ચોક્કસપણે નિયંત્રિત કરો.
કિડની
જો બ્લડ શુગર લેવલ ખૂબ વધી જાય તો કિડની પર ખરાબ અસર પડે છે, જેના કારણે કિડનીની નાની ધમનીઓ ડેમેજ થવા લાગે છે, જેનાથી કિડની ફેલ થવાનું (Kidney Failure) જોખમ ઘણું વધી જાય છે.
આંખ
ડાયાબિટીસના દર્દીઓમાં પણ આંખની સમસ્યાઓ ખૂબ જ જોવા મળે છે. જેને પણ આ રોગ લાંબા સમયથી રહે છે, તેની આંખોની રોશની પણ નબળી પડવા લાગે છે, તેથી નિયમિત આંખની તપાસ કરાવવી જરૂરી છે.
