જના સ્મોલ ફાઇનાન્સ બેંક વરિષ્ઠ નાગરિકોને વાર્ષિક 8.85% અને સામાન્ય કસ્ટમર્સને 8.15% વ્યાજ આપે છે. બેંક 500 દિવસની FD પર 8.85 ટકા વ્યાજ ચૂકવે છે. જના સ્મોલ ફાઇનાન્સ બેંકની 500 દિવસની FD પર આપવામાં આવતું વ્યાજ SCSS સ્કીમ એટલે કે સિનિયર સિટીઝન સેવિંગ્સ સ્કીમ સ્કીમ કરતાં વધુ છે. હાલમાં સિનિયર સિટીઝન સેવિંગ્સ સ્કીમ હેઠળ કસ્ટમર્સને 8 ટકા વ્યાજ મળી રહ્યું છે.
બેંક ખાસ FD આપી રહી છે
જના સ્મોલ ફાઇનાન્સ બેંકના MD અને CEO અજય કંવલે જણાવ્યું હતું કે બેંક તેની 5મી વર્ષગાંઠ પર તેના કસ્ટમર્સને વિશેષ FD ઓફર કરી રહી છે. આ ઓફરથી વરિષ્ઠ નાગરિકોને ફાયદો થશે. જના સ્મોલ ફાઇનાન્સ બેંક આ વર્ષે તેની પાંચમી વર્ષગાંઠ 28 માર્ચ 2023ના રોજ ઉજવી રહી છે. બેંકે કહ્યું કે સ્પેશિયલ એફડી સ્કીમ જના સ્મોલ ફાઇનાન્સ બેંકના નવા અને વર્તમાન કસ્ટમર્સ માટે ઉપલબ્ધ હશે. કસ્ટમર્સ ઈન્ટરનેટ બેન્કિંગ દ્વારા તેમના ઘર અથવા ઓફિસમાં આરામથી FD બુક કરી શકે છે અથવા રોકાણ કરી શકે છે. સ્પેશિયલ એફડી હેઠળ બેંક સામાન્ય લોકોને 8.15 ટકા અને વરિષ્ઠ નાગરિકોને 5 વર્ષની એફડી પર 8.85 ટકા વ્યાજ આપે છે.
જના સ્મોલ ફાઇનાન્સ બેંક વરિષ્ઠ નાગરિકોને 8.85% અને સામાન્ય કસ્ટમર્સને 8.15% વાર્ષિક વ્યાજ આપે છે.
આટલું મળી રહ્યું છે વ્યાજ
જના સ્મોલ ફાઇનાન્સ બેંક (SFB) 7-14 દિવસમાં પાકતી FD પર 3.75 ટકા વ્યાજ ઓફર કરી રહી છે. તે જ સમયે, 15-60 દિવસની FD 4.25 ટકા છે. 61 થી 90 દિવસના સમયગાળા માટે, બેંક 5.25 ટકાના દરે વ્યાજ ચૂકવે છે. કસ્ટમર્સને 91 થી 180 દિવસના સમયગાળા માટે 5.50 ટકાના દરે વ્યાજ ઓફર કરે છે. 181-364 દિવસની FD પર કસ્ટમર્સને 7.00 ટકાના દરે વ્યાજ મળશે.
