Motorola ટૂંક સમયમાં તેનો નવો સ્માર્ટફોન Moto Edge 40 5G લોન્ચ કરી શકે છે. ફોનની લોન્ચિંગ તારીખ વિશે કંપની દ્વારા કોઈ માહિતી આપવામાં આવી નથી. દરમિયાન, ટિપસ્ટર ઇવાન બ્લાસે Motorolaના આગામી ફોનનો માર્કેટિંગ વીડિયો અપલોડ કર્યો છે. આ વીડિયો ફોનની ડિઝાઇન અને સ્પેસિફિકેશન વિશે ઘણું બધું દર્શાવે છે. આ સાથે, ટિપસ્ટરે આ ફોનના કેટલાક ફોટા પણ શેર કર્યા છે, જેના પરથી જાણી શકાય છે કે ફોન કયા કલર ઓપ્શનમાં આવશે.
ટિપસ્ટર અનુસાર, આ ફોન લુનર બ્લુ, નેબ્યુલા ગ્રીન, એક્લિપ્સ બ્લેક અને મેજેન્ટા કલર ઓપ્શનમાં આવશે. ખાસ વાત એ છે કે કંપની ફોનના નેબ્યુલા ગ્રીન, એક્લિપ્સ બ્લેક અને મેજેન્ટા કલર ઓપ્શનમાં ફોક્સ લેધર બેક પેનલ ઓફર કરશે. તે જ સમયે, તેનું બ્લુ વેરિઅન્ટ એક્રેલિક બેક પેનલ સાથે હશે. શેર કરવામાં આવેલ વિડિયો બતાવે છે કે કંપની ફોનમાં પંચ-હોલ ડિઝાઇન સાથે કર્વ્ડ ડિસ્પ્લે આપશે. આ સિવાય કંપની ફોનમાં ડ્યુઅલ સ્પીકર સાથે ડોલ્બી એટમોસ સાઉન્ડ પણ આપવા જઈ રહી છે.
મળશે આ ફિચર્સ અને સ્પેશિફિકેશન
માય સ્માર્ટ પ્રાઈસના રિપોર્ટ અનુસાર, કંપની ફોનમાં 6.55 ઈંચની ફુલ HD+ પોલેડ ડિસ્પ્લે આપવા જઈ રહી છે. આ ડિસ્પ્લે 144Hz ના રિફ્રેશ રેટને સપોર્ટ કરે છે. ફોનનું ડિસ્પ્લે HDR10+ સપોર્ટ અને 1200 nits ના પીક બ્રાઈટનેસ લેવલને સપોર્ટ કરશે. બાયોમેટ્રિક સુરક્ષા માટે, કંપની ફોનમાં ઇન-ડિસ્પ્લે ફિંગરપ્રિન્ટ સેન્સર અને AI ફેસ અનલોક ફીચર ઓફર કરવા જઈ રહી છે.
ફોટોગ્રાફી માટે, કંપની આ ફોનમાં 50-મેગાપિક્સલનો મુખ્ય કેમેરા અને 13-મેગાપિક્સલનો અલ્ટ્રા-વાઇડ એંગલ કેમેરા ઓફર કરવા જઈ રહી છે. તે જ સમયે, તમને સેલ્ફી માટે 32-મેગાપિક્સલનો ફ્રન્ટ કેમેરો મળશે. કંપની આ ફોન 8 GB LPDDR4x રેમ અને 256 GB UFS 3.1 સ્ટોરેજ સાથે આવી શકે છે. ફોનને પાવર આપવા માટે, તેને 4400mAh બેટરી મળશે, જે 68W ફાસ્ટ ચાર્જિંગ અને 15W વાયરલેસ ચાર્જિંગને સપોર્ટ કરશે.
