સાંઢીયાવાડ વિસ્તાર નજીક ગેરકાયદે દબાણો હટાવવા કોર્પોરેશને કાર્યવાહી કરતા આ અંગે પિતા પુત્રએ રજૂઆત બાદ કાર્યવાહી થઈ હોવાની આશંકા રાખી સરાજાહેર સાત શખ્સોએ છરી, હોકી અને બેઝબોલ સ્ટીક સહિતના હથિયારથી હુમલો કર્યો હતો. આ બનાવના પગલે ભારે નાસભાગનો માહોલ સર્જાયો હતો. જ્યારે ઇજાગ્રસ્ત પિતા પુત્રને હોÂસ્પટલમાં ખસેડવામાં આવ્યા હતા.
બનાવ અંગે ઉપલબ્ધ વિગતો મુજબ સાંઢીયાવાડ વિસ્તારમાં મહાપાલિકા દ્વારા જેસીબી મશીનથી ગેરકાયદે બાંધકામો દૂર કરવામાં આવ્યા હતા. આ દબાણો અંગે આ વિસ્તારમાં રહેતા પિતા પુત્રએ અરજી કરી હોવાની શંકા રાખીને છરી-બેઝબોલ-હોકી સ્ટીક જેવા હથિયારો વડે કુલ ૭ જેટલા શખ્સોએ હુમલો કર્યો હતો.
હુમલામાં પિતા અલારખભાઈને ઇંજા પહોંચતા તેમને બચાવવા માટે પુત્ર અસલમ વચ્ચે પડતા તેના પર પણ માથાભારે શખ્સોએે છરીથી હુમલો કર્યો હતો અને માથાના ભાગે ઇંટ ફટકારતા તેને ગંભીર ઇંજાઓ પહોંચી હતી. આ બનાવના પગલે ભારે નાસભાગ સર્જાઇ હતી. ઇજાગ્રસ્તને સારવાર માટે સર ટી. હોÂસ્પટલ લઇ જવાતા અલારખભાઈ મલેકે રફીકભાઈ સુમરા, ઇકબાલ મલેક, ઇકબાલભાઈ દાળિયાવાળા, શોએબ તેમજ અજાણ્યા ૪ થી ૫ ઈસમો વિરુદ્ધ ફરિયાદ આપતાં ગંગાજળિયા પોલીસે આ બનાવ અંગે વધુ તપાસ હાથ ધરી છે.
જ્યારે આ બનાવમાં ઇરફાનભાઈ ઈકબાલભાઈ મલેકે વળતી ફરિયાદ નોંધાવી હતી કે,ગઈકાલે સવારે મોમીનવાડમાં ડીમોલેશનનું કામ ચાલતું હતું ત્યાં તેઓ જાવા માટે ગયા હતા તે દરમિયાન અલારખભાઈ મહમદભાઈ માલેક,મહેમુદભાઈ અલારાખભાઈ મલેક અને અસલમભાઈ અલારખભાઈ મલકે તું જ આ અરજીઓ મહાપાલિકામાં કરે છો તેમ કહી ગાળો આપી,ઢીકાપાટુનો માર મારી જાનથી મારી નાંખવાની ધમકી આપી હતી. ગંગાજળિયા પોલીસે ગુનો નોંધી વધુ તપાસ હાથ ધરી છે.
