વરસાદની સિઝનમાં રસ્તાઓ પર પાણી ભરાઈ જાય છે પરંતુ તેમ છતાં રોજીંદી કામગીરી પણ કરવી પડે છે અને ઓફિસ પણ જવું પડે છે. આવી સ્થિતિમાં ઘણા લોકોને એવી સમસ્યા હોય છે કે તેમના મોંઘા મોંઘા ચંપલ વરસાદની મોસમમાં પાણીમાં બગડી શકે છે, તેની સાથે જ લપસી જવાનો ભય રહે છે. આવી સ્થિતિમાં, અમે તમને જણાવવા જઈ રહ્યા છીએ કે વરસાદની ઋતુમાં તમારે કયા પ્રકારનાં શૂઝ પહેરવા જોઈએ જેથી કરીને તમે લપસવાથી બચી શકો અને તમારા મોંઘા શૂઝ ખરાબ ન થાય.
વરસાદમાં કયા જૂતા વધુ સારા છે?
પીવીસી લોફર્સ – બાટા, ડેકાથલોન અને લિબર્ટી જેવી બ્રાન્ડ્સ ચોમાસાની સિઝનમાં ઓફિસ શૂઝ લોન્ચ કરે છે. આ શૂઝ સ્ટાઇલિશ લાગે છે અને વરસાદની સિઝનમાં લપસી જવાથી પણ બચાવે છે. આ શૂઝની સામગ્રી પીવીસીથી બનેલી છે, તેથી તે વરસાદની મોસમ માટે એકદમ પરફેક્ટ છે. લોફર્સમાં સ્લિપ-ઓન ક્લોઝર છે જે સ્ટાઇલમાં પણ એકદમ આરામદાયક છે.
વોટરપ્રૂફ બૂટ – વરસાદની ઋતુમાં જો અમુક જગ્યાએ પાણી ભરાઈ જાય છે તો તમે આવી જગ્યાએ વોટરપ્રૂફ બૂટ પહેરી શકો છો. વોટરપ્રૂફ બૂટની લંબાઈ સારી હોય છે, તેથી જ્યાં ઘણું પાણી હોય ત્યાં પણ તમે તેને પહેરી શકો છો અને આરામથી ચાલી શકો છો. વોટરપ્રૂફ હોવાથી તેમાં પાણી જતું નથી. ચોમાસાની સિઝનમાં ઘણી મોટી બ્રાન્ડ આવા બૂટ બનાવે છે.
સ્કિમર જૂતા – સ્કિમર શૂઝ હળવા અને લવચીક હોય છે. રબર અને ચામડાના બનેલા આ શૂઝ વરસાદની મોસમમાં લપસી જતા અટકાવે છે.
વરસાદમાં લપસી ન પડો તે માટે શું કરવું –
વરસાદની મોસમમાં ચાલતી વખતે ધ્યાન રાખો કે ત્યાં કોઈ કાદવ અને શેવાળ ન હોય. જ્યારે શેવાળ જામી જાય ત્યારે લપસી જવાનો ભય વધી જાય છે. વરસાદની ઋતુમાં ઘસાયેલા ચપ્પલ અને જૂત્તા ન પહેરવા જોઈએ, નહીં તો તમે લપસી શકો છો. વરસાદની ઋતુમાં માત્ર જાડી સોલ વાળા પગરખાં જ પહેરવા જોઈએ.
