પાકિસ્તાનમાં હિન્દુ યુવતી સાથે દુષ્કર્મ:હોસ્પિટલમાં મુસ્લિમ ડોક્ટરોએ જ કર્યું કુકર્મ

તાજેતરમાં પાકિસ્તાનમાં શીખોને અપાયેલી ધમકીઓ બાદ હવે હિન્દુ યુવતીઓ સાથેની બે ઘટનાઓએ હચમચાવી દીધા છે. સિંધની એક ખાનગી હોસ્પિટલમાં સારવાર માટે આવેલી એક યુવતી પર મુસ્લિમ ડોક્ટરોએ બળાત્કાર કર્યો. ત્યાં જ, બીજી ઘટનામાં ગંગના નામની યુવતીનું અપહરણ કરીને તેનું ધર્મ પરિવર્તન કરવામાં આવ્યું છે.
પાકિસ્તાનમાં નોંધાયેલી બંને ઘટનાઓ સિંધ પ્રાંતની છે. હિન્દુ યુવતી હીના (કાલ્પનિક નામ) સિંધના તાંડો મોહમ્મદ ખાનની એક ખાનગી હોસ્પિટલમાં તેની કિડનીની સારવાર કરાવવા માટે આવી હતી. પરંતુ અહીં મુસ્લિમ ડોક્ટરોની ગંદી નજર તેના પર પડી. ડોક્ટરોએ તેને ડ્રગ્સ પીવડાવ્યું અને પછી તેની સાથે દુષ્કર્મ આચર્યું. હીનાને ગંભીર હાલતમાં તાત્કાલિક હૈદરાબાદ ખસેડવામાં આવી હતી. આશ્ચર્યની વાત એ છે કે પોલીસ કાર્યવાહી કરે તે પહેલાં મુસ્લિમ ડોક્ટરો અને સ્ટાફ હોસ્પિટલમાંથી આસાનીથી નાસી છૂટવામાં સફળ રહ્યા હતા.
બીજી ઘટના પાકિસ્તાનના સિંધમાં ઉમરકોટના કુનરીની છે. જેમાં કુનરીના રહેમતુલ્લા જાંઝી ગામમાં રહેતા હિન્દુ પરિવારની બાળકી ગંગનાનું અપહરણ કરવામાં આવ્યું હતું. મામલો પોલીસ સુધી પહોંચ્યો હતો, પરંતુ કોઈ કાર્યવાહી થઈ નહીં. આખરે ગંગનાનું દરગાહ ગુલઝાર ખલીલમાં ધર્મ પરિવર્તન કરી દેવામાં આવ્યું. હવે ગંગનાનું નામ સૌમ્યા રાખવામાં આવ્યું છે. સાથે જ તેનાં લગ્ન મુહમ્મદ નદીમ જાંઝી સાથે કરી દેવામાં આવ્યા છે.