ટીમ ઈન્ડિયાના સ્ટાર ઓલરાઉન્ડર રવિન્દ્ર જાડેજાએ એશિયા કપનો એક મોટો રેકોર્ડ બનાવ્યો હતો. આ ઇનિંગમાં પણ રવિન્દ્ર જાડેજા ભારતનો સૌથી સફળ બોલર હતો. રવિન્દ્ર જાડેજાએ નેપાળ સામે શાનદાર બોલિંગ પ્રદર્શન કર્યું છે. તેણે 40 રનમાં ત્રણ વિકેટ ઝડપી હતી. આ સાથે રવિન્દ્ર જાડેજા એશિયા કપ ODIમાં સૌથી વધુ ODI વિકેટ લેવાના મામલે સંયુક્ત રીતે ભારતનો નંબર 1 બોલર બની ગયો છે. તેણે પૂર્વ ક્રિકેટર ઈરફાન પઠાણની બરાબરી કરી લીધી છે.
પૂર્વ ક્રિકેટર ઈરફાન પઠાણે એશિયા કપ વનડેમાં 22 વિકેટ ઝડપી છે. આ સાથે જ રવિન્દ્ર જાડેજાના નામે પણ હવે 22 વિકેટ થઈ ગઈ છે. જાડેજાએ આ ઇનિંગમાં ભીમ શાર્કી, રોહિત પૌડેલ અને કૌશલ મલ્લને પોતાનો શિકાર બનાવ્યો હતો. આવી સ્થિતિમાં હવે તેની પાસે આગામી મેચમાં ઈરફાન પઠાણને પાછળ છોડવાની તક મળશે. આ યાદીમાં ત્રીજા સ્થાને સચિન તેંડુલકરનું નામ છે, તેણે એશિયા કપ વનડેમાં કુલ 17 વિકેટ લીધી છે.
