ગુરુવારે શેરબજારમાં વેચવાલીનો સમયગાળો જોવા મળ્યો. આને કારણે, જ્યારે બોમ્બે સ્ટોક એક્સચેન્જ (BSE) સેન્સેક્સ ખુલતા સમયે લગભગ 300 પોઈન્ટ તૂટ્યો હતો, તો નેશનલ સ્ટોક એક્સચેન્જનો નિફ્ટી પણ 100 પોઈન્ટના ઘટાડા સાથે ખુલ્યો હતો. દરમિયાન બેન્કિંગ સેક્ટરના શેર્સમાં થોડો વધારો જોવા મળ્યો હતો, જ્યારે આઈટી સેક્ટરના શેર્સમાં મોટો ઘટાડો જોવા મળ્યો હતો. બજારના નિષ્ણાતોના મતે, ભલે ફેડ દ્વારા અમેરિકામાં વ્યાજદરમાં વધારો ન કરવામાં આવ્યો હોય, પરંતુ ટૂંક સમયમાં તેમને કોઈપણ સમયે ઘટાડવાનો સ્પષ્ટ સંદેશ પણ આપવામાં આવ્યો છે.
ગઈકાલે બજાર બંધ થવા સમયે નિફ્ટી50 222.85 પોઈન્ટ ઘટીને 19,910.45 પર બંધ રહ્યો હતો. બજારમાં જોરદાર વેચવાલીથી રોકાણકારોને ભારે નુકસાન થયું હતું. રોકાણકારોએ એક જ દિવસમાં લાખો કરોડ રૂપિયા ગુમાવ્યા. હકીકતમાં, જ્યારે 18 સપ્ટેમ્બરે બજાર બંધ થયું ત્યારે BSE પર લિસ્ટેડ કંપનીઓનું માર્કેટ કેપિટલાઇઝેશન રૂ. 3.23 લાખ કરોડ હતું. તે જ સમયે, બજારમાં કાલે થયેલા મોટા ઘટાડાને કારણે, લિસ્ટેડ કંપનીઓની મૂડી ઘટીને રૂ. 3.20 લાખ કરોડ થઈ ગઈ છે. આ રીતે એક જ દિવસમાં રોકાણકારોના 3 લાખ કરોડ રૂપિયાનું નુકસાન થયું છે.
વિશ્લેષકોના મતે યુએસ બોન્ડ યીલ્ડ 16 વર્ષની ટોચે પહોંચી છે. આ સિવાય ક્રૂડ ઓઈલના ઊંચા ભાવને કારણે કોમોડિટી ફુગાવો વધવાની ભીતિથી પણ રોકાણકારોના સેન્ટિમેન્ટને અસર થઈ હતી. પોલિસી રેટ અંગેના નિર્ણય પહેલા વિદેશી ભંડોળના ઉપાડ અને વિશ્વના વિવિધ દેશોની મધ્યસ્થ બેન્કોના સાવચેતીભર્યા વલણને કારણે બજાર નરમ પડ્યું હતું. યુએસ ફેડરલ રિઝર્વ, બેન્ક ઓફ ઈંગ્લેન્ડ અને બેન્ક ઓફ જાપાનની બેઠકો આ અઠવાડિયે યોજાવાની છે. સેન્સેક્સ કંપનીઓમાં એચડીએફસી બેન્ક સૌથી વધુ ચાર ટકા તૂટ્યો હતો. આ ઉપરાંત JSW સ્ટીલ, રિલાયન્સ ઇન્ડસ્ટ્રીઝ, અલ્ટ્રાટેક સિમેન્ટ, મારુતિ, ટાટા સ્ટીલ, વિપ્રો, ટેક મહિન્દ્રા, ભારતી એરટેલ અને લાર્સન એન્ડ ટુબ્રો પણ મોટા ઘટાડામાં હતા. બીજી તરફ પાવર ગ્રીડ, એશિયન પેઈન્ટ્સ, સન ફાર્મા, એક્સિસ બેન્ક, એનટીપીસી, આઈટીસી અને ઈન્ફોસિસનો સમાવેશ થાય છે.
વૈશ્વિક બજારમાં પણ ઘટાડો નોંધાયો હતો
એશિયાના અન્ય બજારોમાં જાપાનનો નિક્કી, ચીનનો શાંઘાઈ કમ્પોઝિટ અને હોંગકોંગનો હેંગસેંગ નુકસાનમાં હતો જ્યારે દક્ષિણ કોરિયાનો કોસ્પી નફામાં હતો. યુરોપના મુખ્ય બજારોમાં શરૂઆતી કારોબારમાં તેજીનું વલણ હતું. મંગળવારે અમેરિકન માર્કેટમાં ઘટાડો જોવા મળ્યો હતો. દરમિયાન, વૈશ્વિક ઓઇલ બેન્ચમાર્ક બ્રેન્ટ ક્રૂડ 1.23 ટકા ઘટીને 93.18 ડોલર પ્રતિ બેરલ થયું હતું. શેરબજારના આંકડા અનુસાર, સોમવારે વિદેશી સંસ્થાકીય રોકાણકારોએ રૂ. 1,236.51 કરોડના શેરનું વેચાણ કર્યું હતું.
