ઈઝરાયેલ અને હમાસના યુદ્ધમાં ભારતીય મૂળની ત્રણ મહિલાઓના મોત થયા છે. ત્રણમાંથી એક મહિલા ઈઝરાયેલ ડિફેન્સ ફોર્સનો ભાગ હતી અને એક પોલીસ દળમાં સામેલ હતી. જણાવવામાં આવી રહ્યું છે કે, ઈઝરાયેલની ગાઝા બોર્ડર પર મહિલા સૈનિકોની તૈનાતી કરવામાં આવી છે. ત્યારે, હમાસના આતંકવાદીઓ સાથે લડતા તેમનો જીવ ગયો અને આ યુદ્ધમાં પહેલીવાર ભારતીય શહીદીની પુષ્ટિ થઈ છે. શહીદ મહિલાઓ ભારતીય યહૂદી સમુદાયથી હતી. તેમના માતા-પિતા મહારાષ્ટ્રથી જઈને ઈઝરાયેલમાં વસી ગયા હતા, તેમનો જન્મ ત્યાં થયો હતો.
ઈઝરાયેલના પ્રધાનમંત્રી બેન્જામિન નેતન્યાહૂએ મોટું નિવેદન આપ્યું છે. નેતન્યાહૂએ કહ્યું કે, હમાસે વિચાર્યું હતું કે, અમે ઇસરાયેલને ખતમ કરી દઈશું પરંતુ અમે જ તેને પૂરો કરી નાખીશું. ઈઝરાયેલના સેના પ્રક્તા ડેનિયલ હગારીએ કહ્યું કે, સેના મધ્ય પૂર્વમાં તમામ જગ્યાએ ઑપરેશન કરવા માટે સંપૂર્ણ રીતે તૈયાર છે. જમીન, હવા અને દરિયાઈ રસ્તે હુમલાની યોજનામાં છે પરંતુ તેમણે એ નથી જણાવ્યું કે, જમીની હુમલો ક્યારે થશે.
