આઠ લાખથી વધુ યાત્રાળુઓ લીલી પરિક્રમામાં જોડાયા

જૂનાગઢના ગિરનારમાં લીલી પરિક્રમા શરૂ થઈ ગઈ છે. જેમાં દર વર્ષે લાખો યાત્રાળુઓ ઉમટી પડે છે. અત્યાર સુધીમાં આઠ લાખથી વધુ યાત્રાળુઓ પરિક્રમામાં જોડાયા છે. યાત્રાળુઓની સુરક્ષા માટે પોલીસ વિભાગ અને વનવિભાગ ખડેપગે રહે છે. ત્યારે હવે જૂનાગઢ પોલીસ આ પરિક્રમાનું આકાશી પ્રેટોલિંગ પર કરશે. પોલીસના જવાન પેરામોટર ફ્લાઈંગ કરી પરિક્રમાની તમામ ગતિવિધી પર નજર રાખી રહ્યા છે.
ગિરનારની પરિક્રમામાં જૂનાગઢ પોલીસ દ્વારા ચુસ્ત બંદોબસ્ત ગોઠવવામાં આવ્યો છે. પરિક્રમામાં આવનાર યાત્રાળુઓની સુરક્ષા માટે 3000 પોલીસ કર્મીઓ તૈનાત કરવામાં આવ્યાં છે. ગુજરાત રાજ્યના નવ જિલ્લાઓની પોલીસને પરિક્રમા માટે ફરજ પર ગોઠવવામાં આવ્યાં છે. આ પરિક્રમામાં પોલીસનું રાઉન્ડ ધ ક્લોક પેટ્રોલિંગ પણ શરૂ છે. તેમજ આ પરિક્રમામાં માનવીય અભિગમ દ્વારા પણ યાત્રાળુઓની મદદ કરવામાં આવી રહી છે.