અલંગ ખાતે લીલા ગૃપ દ્વારા સામાજિક ઉત્તરદાયિત્વના ભાગરૂપે પરંપરાગત રીતે અલંગના શ્રમિકો માટે એક દિવસીય ખેલ પ્રતિયોગિતા રવિવારે યોજાઇ ગઇ. લીલા ગૃપ ઓફ કંપનીઝના ચેરમેન કોમલકાંત શર્માના માર્ગદર્શન તળે આ આયોજન પ્રતિવર્ષ અલંગ ખાતે કરવામાં આવે છે, લીલાગૃપના સીઇઓ વિશાલજી સોનીની રાહબરીમા અલંગ સ્થિત શ્રમિક કોલોનીમાં લીલાં વાટિકા ખાતે અઢીસોથી વધારે શ્રમિકો એ ઉત્સાહભેર ભાગ લીધો હતો અને વિજેતાઓએ ઇનામો જીત્યા હતા.
આ રમત ઉત્સવમા વોલીબોલ – લાંબીદોડ – દોરડા ખેંચ સહિતની રમતો રમાડવામાં આવેલ અને વિજેતાઓને શિલ્ડ આપવામા આવેલ આ પ્રતિયોગિતામા ગંગા – યમુના – સરસ્વતી – કાવેરી – ગોદાવરી – નર્મદા – તાપી – બ્રહ્મપુત્રા અને ક્રિષ્ના નામની ટીમોએ ભાગ લીધેલ અને આ રમતોત્સવને સફળ બનાવેલ. આ રમત પ્રતિયોગિતાના ખેલાડીઓનો ઉત્સાહ વધારવા આમંત્રિત મહેમાનો અલંગ સ્થિત કોન્ટ્રાકટરો મરિડા એનજીઓના કાર્યકર્તાઓ – ઓડિટરો – અલંગના વિદ્યાર્થીઓ સહિત હોટેલ સરોવર પોર્ટિકોનો સ્ટાફ ઉપસ્થિત રહેલ. આ સમગ્ર આયોજનને સફળ બનાવવા લીલા ગૃપના સીઇઓ વિશાલજી સોની – શૈલેન્દ્રસિંહ ગોહિલ (શૈલબાપા) અમિત શર્મા – જયમીન જયસ્વાલ – પ્રભાતકુમાર સહિતનાએ જહેમત ઉઠાવી હતી.
