નાણા મંત્રાલય હેઠળના ફાઇનાન્સિયલ ઇન્ટેલિજન્સ યુનિટએ મની લોન્ડરિંગ એક્ટનું પાલન ન કરવા બદલ Binance અને QCoin સહીત નવ વિદેશી ક્રિપ્ટોકરન્સી અને ડિજિટલ એસેટ પ્લેટફોર્મ્સ કારણદર્શક નોટિસ મોકલી છે. FIU એ આ નવ ડિજિટલ પ્લેટફોર્મના URL ને બ્લોક કરવા માટે ઇલેક્ટ્રોનિક્સ અને ઇન્ફોર્મેશન ટેક્નોલોજી મંત્રાલયને પત્ર પણ લખ્યો છે. આ પ્લેટફોર્મ ભારતમાં પ્રિવેન્શન ઓફ મની લોન્ડરિંગ એક્ટ (PMLA) ની જોગવાઈઓનું પાલન કર્યા વિના કામ કરી રહ્યા હતા.
નાણા મંત્રાલયે નિવેદનમાં કહ્યું કે Binance અને QCoin સિવાય, FIUએ Huobi, Kraken, Gate.io, Bittrex, Bitstamp, MEXC Global અને Bitfinexને પણ નોટિસ મોકલી છે. FIU-IND સાથે રિપોર્ટિંગ યુનિટ તરીકે નોંધણી ન કરવા બદલ તેમને નોટિસ મોકલવામાં આવી છે.
ભારતમાં કાર્યરત વર્ચ્યુઅલ ડિજિટલ એસેટ સર્વિસ પ્રોવાઇડર્સએ FIU-IND સાથે રિપોર્ટિંગ યુનિટ તરીકે નોંધણી કરાવવી જરૂરી છે. આ ઉપરાંત, તેઓએ PMLA, 2002 ની જોગવાઈઓનું પણ પાલન કરવું પડશે. અત્યાર સુધીમાં, કુલ 31 VDA-SP એ FIU-IND સાથે પોતાની નોંધણી કરાવી છે.
