ઇઝરાયેલના એજન્ટોએ વેસ્ટ બેન્કની હૉસ્પિટલમાં ત્રણ આતંકીઓને ઠાર માર્યા

ઇઝરાયેલના એજન્ટોએ વેસ્ટ બેન્કની એક હૉસ્પિટલમાં ત્રણ પેલેસ્ટાઇની આતંકીઓને ઠાર માર્યા છે. ઇઝરાયેલના એજન્ટોએ આ ઓપરેશનને મેડિકલ સ્ટાફનો વેશ બદલીને અંજામ આપ્યો હતો. ઇઝરાયેલની સેનાએ એક નિવેદન પણ જાહેર કર્યું છે જેમાં કહેવામાં આવ્યું છે કે આ સ્વાસ્થ્ય કેન્દ્ર જેનિન સિટીમાં સ્થિત છે અને તેને હમાસ ટેરરિસ્ટ સેલ બનાવવામાં આવ્યું હતું. બીજી તરફ પેલેસ્ટાઇની સ્વાસ્થ્ય મંત્રાલયે ચિંતા વ્યક્ત કરી છે. સાથે તેના સ્વાસ્થ્ય કેન્દ્રોને આંતરરાષ્ટ્રીય કાયદા હેઠળ સુરક્ષા આપવાની માંગ કરી છે.
પેલેસ્ટાઇની વિદેશ મંત્રાલયે હોસ્પિટલમાં અંજામ આપવામાં આવેલી આ ઘટનાને ક્રૂર ગણાવી છે. સાથે જ તેને માનવતા વિરૂદ્ધ ગુનો ગણાવ્યો છે. પેલેસ્ટાઇની મંત્રાલય દ્વારા ટ્વીટ કરવામાં આવેલા સીસીટીવી ફૂટેજમાં હથિયારધારી પુરૂષો અને મહિલાઓને બતાવવામાં આવી છે. આ લોકો મેડિકલ ટીમ અને સામાન્ય લોકોના ડ્રેસમાં છે. વીડિયોમાં ઇઝરાયેલી એજન્ટોને એક બેબી કેરિયર અને વ્હીલચેરના પ્રોપ્સના રૂપમાં ઉપયોગ કરતા બતાવવામાં આવ્યા છે. હોસ્પિટલના ડિરેક્ટર નાજી નજલે જણાવ્યું કે ઇઝરાયેલી સેનાના એક ગ્રુપે અહીં પ્રવેશ કર્યો અને કેટલાક લોકોની હત્યા કરી નાખી હતી, તેમણે સાઇલેન્સર લાગેલા હથિયારોનો ઉપયોગ કર્યો હતો.
ઇસ્લામિક જિહાદ આતંકવાદી ગ્રુપે ગજવી બંધુઓ વિશે દાવો કર્યો કે આ તેમના લડાકા છે. જલામ્ના આર્મ્ડ વિંગમાં કમાન્ડર હતા. ઇઝરાયેલી સેનાએ આરોપ લગાવ્યો કે ત્રણેય આતંકવાદી હતા જે હોસ્પિટલમાં સંતાયેલા હતા. સેનાએ કહ્યું કે જલામનાહ કેટલાક ખાસ આતંકી ગતિવિધિમાં સામેલ હતા. તે ગોળીબારમાં ઉપયોગ માટે હથિયાર અને દારૂગોળો વિતરણ કરવા માટે જાણીતા હતા. નિવેદનમાં એમ પણ કહેવામાં આવ્યું કે તે ભવિષ્યમાં હુમલો કરવાના હતા અને હોસ્પિટલને સંતાવવાની જગ્યાના રૂપમાં ઉપયોગ કરી રહ્યાં હતા.