ઇઝરાયેલની વિધાનસભાએ નવો વિધેયક પસાર કર્યો હતો, જેમાં કતાર સ્થિત અલ જઝીરા ન્યૂઝ નેટવર્કને બંધ કરવાનો ઉંલરખ કરવામાં આવ્યો હતો, જે કાયદા હેઠળ વિદેશી ન્યૂઝ નેટવર્ક્સ પર કામચલાઉ પ્રતિબંધને મંજૂર કરવામાં આવ્યો છે.
ઇઝરાયલના વડા પ્રધાન બેન્જામિન નેતન્યાહુએ જણાવ્યું હતું કે તેઓ અલ જઝીરા સામે કાયદો લાગુ કરવા માટે ત્વરિત પગલાં લેશે, કતાર દ્વારા ભંડોળ પૂરું પાડવામાં આવેલ સમાચાર આઉટલેટ પર હમાસના ઇઝરાયેલ વિરુદ્ધ ઑક્ટોબર 7ના હુમલાને સમર્થન આપવાનો અને યુએસ દ્વારા નિયુક્ત કરવામાં આવ્યો હોવાનો આરોપ મૂક્યો હતો. તેના પર આતંકવાદી સંગઠનના મુખપત્ર તરીકે કામ કરવાનો આરોપ મૂક્યો હતો.
નેતન્યાહુએ તેના X એકાઉન્ટ પર હિબ્રુમાં પોસ્ટ કર્યું “આતંકવાદી ચેનલ અલ જઝીરા હવે ઇઝરાયેલથી પ્રસારિત થશે નહીં. હું ચેનલની પ્રવૃત્તિને રોકવા માટે નવા કાયદા અનુસાર તાત્કાલિક પગલાં લેવા માગું છું,” ધ ટાઇમ્સ ઑફ ઇઝરાયેલ અહેવાલ આપ્યો છે કે, ઇઝરાયેલની સંસદમાં 10 વિરુદ્ધ 71 મતથી કાયદો પસાર કરવામાં આવ્યો હતો. રાષ્ટ્રીય સુરક્ષા માટે જોખમી ગણાતા વિદેશી સમાચાર આઉટલેટ્સને બંધ કરવાના આદેશો માત્ર 45 દિવસ માટે જ લાગુ કરી શકાય છે, પરંતુ વધુ 45-દિવસના સમયગાળા માટે રીન્યુ કરી શકાય છે. આ કાયદો 31 જુલાઈના રોજ સમાપ્ત થઈ રહ્યો છે.
ઇઝરાયેલ અને યુએસ બંને અલ જઝીરા દ્વારા સામાન્ય રીતે ઇઝરાયેલના કવરેજ અને ઑક્ટોબર 7ના આતંકવાદી હુમલા પછી હમાસ સામે ઇઝરાયેલના યુદ્ધની ટીકા કરી છે. સેક્રેટરી ઓફ સ્ટેટ એન્ટની બ્લિંકને કતાર સરકારને ઓક્ટોબરમાં હમાસના હુમલા બાદ અલ જઝીરાના કવરેજમાં ઈઝરાયેલ વિરોધી ઉશ્કેરણી ડામવા હાકલ કરી છે.
