શનિવારે દિલ્હી કેપિટલ્સ અને મુંબઇ ઇન્ડિયન્સ વચ્ચે મેચ રમાઇ હતી. દિલ્હીમાં રમાયેલી મેચ બાદ BCCIના ચીફ સિલેક્ટર અજીત અગરકર અને રોહિત શર્માની એક અનઓફિશિયલ મીટિંગ થઇ હતી. મીટિંગમાં ICC ટી-20 વર્લ્ડકપ 2024 ટીમની પસંદગીને લઇને ચર્ચા કરવામાં આવી હતી.
મીટિંગ બાદ BCCI સિલેક્શન કમિટીનાસૂત્રએ જણાવ્યું કે રિષભ પંત અને કેએલ રાહુલને વિકેટ કીપરના રૂપમાં ICC ટી-20 વર્લ્ડકપ 2024ની ટીમ માટે પસંદ કરવાની સંભાવના વધારે છે. ચેન્નાઇ સુપરકિંગ્સના ઓલ રાઉન્ડર શિવમ દુબેને પણ ટીમમાં સામેલ કરવામાં આવી શકે છે. શિવમ દુબેએ ચેન્નાઇ સુપર કિગ્સ તરફથી સારી ઇનિંગ્સ રમી રહ્યો છે. શિવમ દુબેએ 9 મેચમાં 172.41ના સ્ટ્રાઇક રેટ સાથે 350 રન બનાવ્યા ચે. આ દરમિયાન તેને 3 અડધી સદી પણ ફટકારી છે.
