ઓડિશામાં નવી ચૂંટાયેલી ભારતીય જનતા પાર્ટીની સરકારે બુધવારે પુરીમાં શ્રી જગન્નાથ મંદિરના ચારેય દરવાજા ફરીથી ખોલવાના પ્રસ્તાવને મંજૂરી આપી દીધી છે. મંદિરને લગતા મહત્વના મુદ્દાઓ પર ધ્યાન આપવા માટે સરકારે 500 કરોડ રૂપિયાના વિશેષ ભંડોળની પણ જાહેરાત કરી હતી. મુખ્ય પ્રધાન મોહન ચરણ માઝી તેમના સમગ્ર કેબિનેટ સાથે ચાર દરવાજા ખોલવાના સાક્ષી બનવા માટે જગન્નાથ મંદિર પહોંચ્યા છે. પુરીના સાંસદ સંબિત પાત્રા, બાલાસોરના સાંસદ પ્રતાપ ચંદ્ર સારંગી અને અન્ય મંત્રીઓ અને પાર્ટીના નેતાઓ પણ હાજર છે.
ઓડિશાના મંત્રી સૂર્યવંશી સૂરજે કહ્યું કે ચૂંટણી દરમિયાન અમે કહ્યું હતું કે અમે તમામ 4 દરવાજા ફરીથી ખોલીશું.. અમે ગઈકાલે શપથ લીધા હતા અને આજે અમે દરવાજા ખોલી રહ્યા છીએ. માંઝીએ વધુમાં કહ્યું કે મંદિરમાં આવતા ભક્તોને દરવાજા બંધ હોવાને કારણે મુશ્કેલીનો સામનો કરવો પડી રહ્યો હતો અને તાજેતરના નિર્ણયથી તેમની યાત્રા સરળ બનશે. નોંધનીય છે કે ભાજપે પોતાના વિધાનસભા ચૂંટણી ઢંઢેરામાં જગન્નાથ મંદિરના તમામ દરવાજા ખોલવાનું વચન પણ આપ્યું હતું. અગાઉની BJD સરકારે કોવિડ-19 રોગચાળા પછી મંદિરના ચારેય દરવાજા બંધ રાખ્યા હતા. ભક્તો માત્ર એક જ દરવાજાથી પ્રવેશી શકતા હતા અને તમામ દરવાજા ખોલવાની માંગ કરવામાં આવી હતી.
