જમ્મુ-કાશ્મીરના હાદીપોરામાં બે આતંકીનું એન્કાઉન્ટર:બે સુરક્ષાકર્મી ઘાયલ;

જમ્મુ અને કાશ્મીરના બારામુલ્લા જિલ્લામાં બુધવારે આતંકવાદીઓ અને સુરક્ષા દળો વચ્ચે એન્કાઉન્ટરમાં અહીંના હાદીપોરા વિસ્તારમાં બે આતંકવાદીઓ માર્યા ગયા છે, જ્યારે સ્પેશિયલ ઓપરેશન ગ્રુપનો એક જવાન ઘાયલ થયો છે.
હાદીપોરામાં પોલીસ અને સેનાની સંયુક્ત ટીમે આતંકવાદીઓને શોધવા માટે સર્ચ ઓપરેશન શરૂ કર્યું હતું. સુરક્ષા દળો જેવા આતંકવાદીઓના સંદિગ્ધ છુપાયેલા સ્થાન પર પહોંચ્યા કે તરત જ આતંકવાદીઓએ તેમના પર ગોળીબાર શરૂ કરી દીધો. આ પહેલા સોમવારે (17 જૂન) સવારે સુરક્ષા દળોએ બાંદીપોરામાં આતંકવાદી એલઇટી કમાન્ડર ઓમર અકબર લોન ઉર્ફે જાફરને ઠાર માર્યો હતો. તે પટ્ટનનો રહેવાસી હતો. આ વિસ્તારમાં 2 થી 3 આતંકીઓ છુપાયા હોવાની આશંકા છે. તેમની શોધ માટે આર્મી ઓપરેશન ચાલુ છે.
અરગામના જંગલોમાં રવિવારે ગોળીબારનો અવાજ સંભળાયો હતો. આ પછી સેના અને પોલીસે સર્ચ કર્યું. સોમવારે સવારે જ્યારે શોધખોળ તેજ કરવામાં આવી ત્યારે આતંકીઓએ ગોળીબાર કર્યો હતો. ડ્રોન ફૂટેજમાં માર્યા ગયેલા આતંકવાદી જાફરનો મૃતદેહ જંગલમાં પડેલો જોવા મળ્યો હતો.