ગુજરાતમાં સંખ્યાબંધ જિલ્લામાં મેઘો અનરાધાર વરસી રહ્યો છે. જળાશયો, નદી અને ડેમોમાં નવા નીરની આવક થઈ છે. આજે રાજ્યના સંખ્યાબંધ જિલ્લાઓમાં ભારેથી અતિભારે વરસાદની આગાહી કરવામાં આવી છે.
સુરત, નવસારી, વલસાડ, દમણ, દાદરા નગર હવેલીમાં અતિભારે વરસાદ માટે રેડ એલર્ટ.પાટણ, સાબરકાંઠા, બનાસકાંઠા, મહેસાણા, અરવલ્લી દાહોદ, મહીસાગર, છોટાઉદેપુર, ભરૂચ ડાંગ, તાપી, સુરેન્દ્રનગર, જામનગર, જુનાગઢ, અમરેલી, ગીર, સોમનાથ કચ્છ, દીવમાં ભારેથી અતિભારે વરસાદ માટે ઓરેન્જ એલર્ટ. ગાંધીનગર, ખેડા, આણંદ, અમદાવાદ, પંચમહાલ, વડોદરા, નર્મદા, રાજકોટ, પોરબંદર, બોટાદમાં ભારે વરસાદ માટે યલો એલર્ટ જાહેર છે.
હવામાન ખાતાની આગાહીના પગલે વિવિધ ભાગોમાં રાહત અને બચાવની કામગીરીની સમીક્ષા કરવામાં આવી છે. રાજ્યમાં વરસાદની સ્થિતિને જોતા NDRFની 10 ટીમોનું ડિપ્લોયમેન્ટ કરવામાં આવ્યું છે, તેમજ પાંચ ટીમો રિઝર્વ રાખવામાં આવી છે.
