નાઇઝિરિયાનાં ઓયો રાજ્યના બાસોરૂન શહેર સ્થિત ઇસ્લામિક હાઈસ્કૂલમાં યોજાયેલા એક ફનફેરમાં ધક્કામુક્કી થતાં 30 બાળકોના ચકદાઈ જવાથી મૃત્યુ થયા હતા અને અનેકને ઇજાઓ થઇ હતી. આ અંગે ગવર્નર સેયી માકીન્ડેએ જણાવ્યું હતું કે, આ અત્યંત દુ:ખદ ઘટના છે. હજી સુધી પ્રાપ્ત અહેવાલો પ્રમાણે 30 બાળકોના ધક્કામુક્કીમાં ચકદાઈ જવાથી મૃત્યુ થયા છે. અનેક લોકોને ઇજાઓ થઇ છે જે બાળકો મૃત્યુ પામ્યા છે, તેમના માતા-પિતા પ્રત્યે અમારી પૂરેપુરી સહાનુભૂતિ છે. આ ઘટના પછી પોલીસે આયોજકોની ધરપકડ કરી છે તથા નેશનલ ઇમર્જન્સી સર્વિસને કામે લગાડાઈ છે.
સ્થાનિક મીડિયા જણાવે છે કે, વીમાન-ઇન-નીડ-ઓફ-ગાઈડન્સ એન્ડ સપોર્ટ ફાઉન્ડેશન દ્વારા આ ફનફેરનું આયોજન કરાયું હતું. ગત વર્ષે પણ તેઓએ આ પ્રકારનું આયોજન કરવામાં આવ્યું હતું. ઓયો સ્થિત અગીડીગ્બો એફએમ રેડીયો જણાવે છે કે, આ કાર્યક્રમના આયોજકોએ એવું જાહેર કર્યું હતું કે, જે બાળકો આ કાર્યક્રમમાં ભાગ લઇ પહેલા, બીજા, ત્રીજા આવશે તે બાળકોને સ્કોરશીપ તથા ઘણી સુંદર ભેટો અપાશે. આ કારણસર જ પ્રમાણમાં ઓછી જગામાં બહુ મોટી સંખ્યામાં બાળકો ભેગા થયાં હતા તેથી ધક્કામુક્કી થઇ અને તેમાં 30 બાળકોના મૃત્યુ થયા હતા અને અનેકને ઇજાઓ થઇ હતી.
