કોંગ્રેસના નેતા મણિશંકર ઐયરે કહ્યું કે કોંગ્રેસે વિપક્ષી ગઠબંધન I.N.D.I.A બ્લોકનું નેતૃત્વ કરવાનું વિચારવું જોઈએ નહીં. ઈન્ડિયન એક્સપ્રેસને આપેલા ઈન્ટરવ્યૂમાં અય્યરે આ વાત કહી.તેમણે કહ્યું, ‘મમતા બેનર્જીમાં ક્ષમતા છે અન્ય નેતાઓ પણ છે જે ગઠબંધનનું નેતૃત્વ કરી શકે છે. જે તેનું નેતૃત્વ કરવા માગે છે તેને કરવા દો.
મણિશંકર ઐયરે કહ્યું, મને ખબર નથી કે કોંગ્રેસ પાર્ટીને મારા વિશે શું પસંદ નથી. સોનિયા ગાંધીએ કહ્યું હતું કે હું અનિયંત્રિત તોપ છું, પરંતુ ગાંધી અને નેહરુની કોંગ્રેસમાં અનિયંત્રિત તોપોને ખૂબ જ ઉપયોગી ગણવામાં આવતા હતા. વિપક્ષી ગઠબંધનનું નેતૃત્વ કોણ કરે છે તેનાથી કોઈ ફરક પડતો નથી. કારણ એ છે કે કોંગ્રેસ અને તેના નેતાઓની સ્થિતિ હંમેશા મહત્વની રહેશે. એ જરૂરી નથી કે તે જ મહત્વનો પક્ષ હોય. તે વિપક્ષી ગઠબંધનમાં મહત્વનો પક્ષ રહેશે.
રાહુલ ગાંધી મારાથી 30 વર્ષ નાના છે. હું તેમના પિતા સાથે સંબંધ ધરાવતો હતો, તેથી રાહુલને લાગે છે કે હું તેમના પિતાની પેઢીનો છું. રાહુલ કોંગ્રેસના નેતા છે અને હું તેમનો અનુયાયી છું. તેથી મારે કબૂલ કરવું પડશે કે સક્રિય રાજકારણ માટે મારી ઉંમર ઘણી છે, પરંતુ મેં કોંગ્રેસ છોડી નથી. હું ક્યારેય કોંગ્રેસ છોડીશ નહીં, ખાસ કરીને ભાજપમાં જોડાવાનો નથી.
