છત્તીસગઢના મુંગેલીમાં સ્ટીલ પ્લાન્ટમાં ચીમની તૂટી પડતાં 1નું મોત

છત્તીસગઢના મુંગેલી જિલ્લાના કુસુમ પાવર પ્લાન્ટમાં ગુરુવારે એક દુર્ઘટના સર્જાઈ. રેમ્બોર્ડ ગામમાં કુસુમ એસમેલ્ટર્સ સ્ટીલ પ્લાન્ટમાં ચીમની તૂટી પડતાં છ કામદારો ઘાયલ થયા. તેમાંથી એકનું મોત થયું. હાલમાં 4 મજૂરો નીચે દટાયેલા છે. જણાવવામાં આવી રહ્યું છે કે, પ્લાન્ટ પ્રશાસને પહેલા લોકોને અંદર જતા રોક્યા, પરંતુ કર્મચારીઓના હંગામા અને દબાણ બાદ જ રેસ્ક્યૂ ટીમને અંદર જવા દેવામાં આવી. હાલ રેસ્ક્યૂ ટીમ બચાવ કાર્યમાં લાગેલી છે.
પ્લાન્ટના કેટલાક કર્મચારીઓએ કહ્યું કે મેનેજમેન્ટની બેદરકારીને કારણે આ દુર્ઘટના સર્જાઈ છે. અંદરના મશીનો અને સ્ટ્રક્ચરની સમયસર તપાસ અને સમારકામ કરવામાં આવ્યું નથી, જેના કારણે આ ઘટના બની. પ્લાન્ટને વિસ્તરણમાં ઉતાવળના પરિણામો ભોગવવા પડ્યા છે.