અમેરિકાના ન્યુયોર્કના મેનહટનમાં સોમવારે મોડી સાંજે ફાયરિંગની ઘટના બની છે. જેમાં એક બિલ્ડીંગની ઓફીસમાં ગોળીબારમાં પાંચ લોકોના મોત થયા છે. આ ગોળીબારમાં માર્યા ગયેલામાં એક ઓફ ડ્યુટી પોલીસ અધિકારીનો પણ સમાવેશ થાય છે. આ હુમલા બાદ લોકોના ભયનો માહોલ જોવા મળ્યો છે.
આ ફાયરિંગની ઘટના અંગે ન્યુયોર્ક પોલીસે આપેલી માહિતી મુજબ, આ હુમલાખોરની ઓળખ નેવાડાના શેન તુમરા તરીકે થઈ છે. તેણે પોતાની જાતને ગોળી મારીને આત્મહત્યા કરી લીધી હતી. તેની પાસેથી લાસ વેગાસના કનસીલ્ડ કેરી પરમીટ સહિત કેટલાક ઓળખપત્રો મળી આવ્યા છે.
આ અંગે ન્યુયોર્ક ફાયર વિભાગે જણાવ્યું હતું કે સોમવારે સાંજે 6. 30 વાગ્યેની આસપાસ પાર્ક એવન્યુ બિલ્ડીંગમાં ફાયરિંગની માહિતી મળી હતી. આ બિલ્ડીંગમાં ફાઈનાન્સ કંપનીઓ અને નેશનલ ફૂટબોલ લીગની ઓફિસો છે. આ અંગે જેસિકા ચેન નામની મહિલાએ જણાવ્યું હતું કે તે અનેક લોકો સાથે બીજા માળે એક પ્રેઝન્ટેશન નિહાળી રહી હતી ત્યારે તેમને ફાયરિંગનો અવાજ સંભળાયો હતો. આ ઘટના બાદ લોકોમાં ભય ફેલાયો હતો. તેમજ લોકો એક કોન્ફરન્સ રૂમમાં દોડીને ગયા હતા. તેમજ ટેબલની આડ કરીને દરવાજો બંધ કરી દીધો હતો.જયારે ન્યુયોર્કના મેયર એરિક એડમ્સે જણાવ્યું હતું કે આ ઘટનામાં અનેક લોકોને ઈજા પણ પહોંચી છે.
ન્યુયોર્કના મેનહટનમાં અંધાંધૂંઘ ફાયરિંગ, પોલીસ અધિકારી સહિત પાંચના મોત
અનેક લોકોને ઈજા પણ પહોંચી, હુમલાખોરે પોતાની જાતે ગોળી મારી આત્મહત્યા કરી લીધી
