બે વોટર આઈડી કાર્ડ રાખવા એ સજા પાત્ર ગુનો

ભારતીય નાગરિકો પાસે વિવિધ પણ ભારતીય નાગરિક્તા પૂરવાર કરતાં દસ્તાવેજો હોવા જોઈએ. આ તમામ દસ્તાવેજોની વિવિધ કામો માટે જરૂર પડે છે અને એના વિના અનેક કામો અટકી પડે એમ છે. આ દસ્તાવેજોમાં આધાર કાર્ડ, વોટર આઈડી કાર્ડ, ડ્રાઈવિંગ લાઈસન્સ, રેશન કાર્ડ જેવા ડોક્યુમેન્ટ્સનો સમાવેશ થાય છે. ભારતમાં વોટર આઈડી કાર્ડ ખૂબ જ મહત્ત્વનો દસ્તાવેજ છે
18 વર્ષ પૂરા થયા બાદ કોઈ પણ વ્યક્તિ વોટર આઈડી કાર્ડ માટે અરજી કરી શકે છે. આ કાર્ડ વિના વ્યક્તિને મતદાન કરવાનો અધિકાર મળે છે. આ સિવાય વોટર આઈડી કાર્ડ એક મહત્વનું આઈડી પ્રૂફ પણ છે. પરંતુ આ વોટર આઈડી કાર્ડને લઈને કેટલાક નિયમો પણ છે, જેનું પાલન કરવું ખૂબ જ જરૂરી છે. બે વોટર આઈડી કાર્ડ સંબંધિત. જો કોઈ વ્યક્તિ પાસે કોઈ કારણસર બે વોટર આઈડી કાર્ડ છે કે પછી એ વ્યક્તિ વિચારી રહી છે કે બીજું વોટર આઈડી કાર્ડ બનાવી લે તો આવું કરવું કાયદેસર ગુનો ગણાય છે. ઘણા લોકોનું એવું માનું છે કે અલગ અલગ એડ્રેસ કે રાજ્યમાં વોટર આઈડી કાર્ડ હોવું કોઈ ગંભીર વાત નથી. પરંતુ હકીકતમાં એવું નથી. આ એક ગંભીર અપરાધ છે. ભારતના ચૂંટણી પંચના નિયમ અનુસાર એક નાગરિકના નામે એક જ વોટર આઈડી કાર્ડ બનાવી શકાય. બે જગ્યાએ નામ હોવું કે બે કાર્ડ રાખવા એ છેતરપિંડી માનવામાં આવે છે, જે ચૂંટણી પ્રક્રિયાની પારદર્શકતા અને નિષ્પક્ષતાને પ્રભાવિક કરી શકે છે.જો કોઈ વ્યક્તિ આવું કરે છે તો તેના બીએનએસની ધારા 182 અને રિપ્રેઝેન્ટેશન ઓફ ધ પીપલ એક્ટની ધારા 17 અને 31 હેઠળ સજા ફટકારવામાં આવી શકે છે. આ સિવાય આવું કરનારને એક મહિનાથી લઈને પાંચ વર્ષ સુધીની જેલ, દંડ કે બંને સજા થઈ શકે છે.