દિલ્હી, એનસીઆર અને આસપાસના રાજ્યોમાં વાણિજ્યિક વાહનોના સંચાલનમાં વિક્ષેપ પડવાથી શાકભાજી, દૂધ, દવાઓ અને અન્ય આવશ્યક ચીજવસ્તુઓનો પુરવઠો ખોરવાવાની ધારણા છે.
ટ્રાન્સપોર્ટર્સ આજથી ત્રણ દિવસની હડતાળ ઉપર ઉતરી ગયા છે. 23 મે સુધી ચાલુ રહેવાની આ હડતાળ સામાન્ય લોકોની દૈનિક જરૂરિયાતોને અસર કરી શકે છે.
દિલ્હી, એનસીઆર અને આસપાસના રાજ્યોમાં વાણિજ્યિક વાહનોના સંચાલનમાં વિક્ષેપ પડવાથી શાકભાજી, દૂધ, દવાઓ અને અન્ય આવશ્યક ચીજવસ્તુઓનો પુરવઠો ખોરવાઈ શકે તેવી શક્યતા છે.
ઓલ ઈન્ડિયા મોટર ટ્રાન્સપોર્ટ કોંગ્રેસએ દિલ્હીમાં વાણિજ્યિક વાહનો પર ગ્રીન ટેક્સમાં વધારો અને બીએસ-૪ વાહનો પર પ્રવેશ પ્રતિબંધના વિરોધમાં હડતાળનું એલાન કર્યું છે. સંગઠનનો દાવો છે કે દિલ્હી, હરિયાણા, રાજસ્થાન, ઉત્તર પ્રદેશ, પંજાબ અને હિમાચલ પ્રદેશના 126 પરિવહન સંગઠનો આંદોલનને સમર્થન આપી રહ્યા છે.
ટ્રાન્સપોર્ટર્સનું કહેવું છે કે, હડતાળ દરમિયાન વાહનો જ્યાં પણ હશે ત્યાં પાર્ક કરવામાં આવશે. તેમણે ચેતવણી આપી છે કે જો સરકાર તેમની માંગણીઓ પર ધ્યાન નહીં આપે તો આંદોલનનો વિસ્તાર કરવામાં આવશે.
એવો અંદાજ છે કે હડતાળના કારણે દરરોજ 25,000 થી 30,000 કોમર્શિયલ વાહનોના સંચાલન પર અસર પડી શકે છે. આમાંથી 7,000 થી 10,000 વાહનો ખોરાક, ડેરી ઉત્પાદનો અને દવાઓ જેવા આવશ્યક માલસામાનનું પરિવહન કરે છે. જો હડતાળ સંપૂર્ણપણે સફળ થાય છે, તો તેની અસર બજારોથી છૂટક બજાર સુધી અનુભવાઈ શકે છે.
ટ્રાન્સપોર્ટરોનો આરોપ છે કે BS-4 વાહનો પર પ્રતિબંધ વૈજ્ઞાનિક આધાર વિના લાદવામાં આવી રહ્યો છે અને ગ્રીન ફીમાં વધારો નૂર ખર્ચમાં સતત વધારો કરી રહ્યો છે.
