ટ્રમ્પની એક જાહેરાત અને સોના-ચાંદીઅને સેન્સેક્સ-નિફ્ટીમાં પ્રચંડ ઉછાળો

એક સમયે ડોનાલ્ડ ટ્રમ્પે ફરી એકવાર ઈરાન પર મોટો હુમલો કરવાની ધમકી આપી આખા વિશ્વની ચિંતા વધારી દીધી હતી પરંતુ ગણતરીના કલાકોમાં જ ટ્રમ્પે ગુલાંટ મારતાં ઈરાન સાથે ડીલ થઈ ગયાની વાત કહેતા લોકોએ હાશકારો અનુભવ્યો હતો. હવે આ અહેવાલની જ અસર શેરબજાર અને કોમોડિટી માર્કેટ સહિત વિશ્વભરના બજારોમાં જોવા મળી રહી છે.
સેન્સેક્સમાં આજે પ્રચંડ તેજીનો માહોલ જોવા મળી રહ્યો છે. શેરબજાર ખુલતાની સાથે સેન્સેક્સ જે ગઈ કાલે 73,832.55 પોઈન્ટ પર ક્લૉઝ થયો હતો તે આજે એકઝાટકે 800થી વધુ પોઈન્ટની તેજી પર ખુલ્યો હતો. સમાચાર લખવા સુધીમાં આજે સેન્સેક્સે 74,834 ની સપાટી બનાવી હતી
બીજી બાજુ સોનું જે ગઇકાલે 148932 રુપિયાએ ક્લૉઝ થયું હતું તે આજે સીધું 1668 રૂપિયાના ઉછાળા સાથે 150600 ની સપાટીએ પહોંચી ગયું હતું. જ્યારે ચાંદીની વાત કરીએ તો જે ગઈકાલે 5000 કરતા વધારે રૂપિયા તૂટીને 239653 રૂપિયાના લેવલે ક્લૉઝ થઈ હતી તે આજે 244817 ના હાઈ લેવલે પહોંચી હતી. જે દર્શાવે છે કે આજે ચાંદીમાં 5164 રૂપિયાથી વધુનો ઉછાળો નોંધાયો છે.