જો આપ ડિમેટ ખાતાનો ઉપયોગ કરો છો તો 30 સપ્ટેમ્બર સુધીમાં આ ખાતાને ડબલ સર્ટીફીકેશન (બેવડા પ્રમાણીકરણ)થી જોડી દો. આમ નહીં કરવાથી આપ ડીમેટ ખાતામાં લોગઈન નહીં કરી શકો.
નેશનલ સ્ટોક એકસચેંજે 14 જૂને સકર્યુલર જાહેર કર્યો હતો, જેમાં ડબલ રજીસ્ટ્રેશનને ફરજીયાત કરી નાખ્યું હતું. તેને સક્રીય કરવા માટે 30 સપ્ટેમ્બરનો સમય નકકી છે. આ યોજના અંતર્ગત ડીમેટ ખાતાધારક ત્રણ વિકલ્પ અપનાવી શકે છે. પહેલો તે ડીમેટ એકાઉન્ટનો લોગ ઈન કરવા માટે બાયોમેટ્રીક ઓળખનો ઉપયોગ કરી શકે છે. બીજું વિકલ્પમાં પાસવર્ડ કે પિનને અપનાવી શકાય છે, જેની માત્ર ઉપયોગ કરનારને જ ખબર હોવી જોઈએ. ત્રીજા વિકલ્પ તરીકે વન-ટાઈમ પાસવર્ડ, સિકયુરીટી ટોકન કે ઓથોન્ટીકેટર એપનો ઉપયોગ કરી શકાય છે. ખાતા ધારકોને ઈ મેલ અને એસએમએસ બન્નેના માધ્યમથી ઓટીપી મળશે.
આવી રીતે કરી શકશો ઉપયોગ
બાયોમેટ્રીક ઓળખનો ઉપયોગ પાસવર્ડ/પિન કે ઓટીપી/ સિકયોરીટી ટોકન સાથે કરવામાં આવશે. જયાં બાયોમેટ્રીક ઓળખ સંભવ નથી, ત્યાં ઓટીપી/સિકયોરીટી ટોકન સાથે પાસવર્ડ/પિનનો ઉપયોગ કરવો પડશે. મોબાઈલના મામલામાં ઓટીપી કે પિનની સાથે બાયોમેટ્રીકનો ઉપયોગ કરવામાં આવશે. કેટલીક બ્રોકીંગ કંપનીઓના એપ્સ માટે ગુગલ કે માઈક્રોસોફટ ઓર્થેટિકટ એપ ડાઉનલોડ કરવી પડશે.
