સપનાઓને સાકાર કરવા માટે ભૌતિક પરિસ્થિતિ નહીં, પરંતુ દૃઢ સંકલ્પ અને અડગ મનોબળ જરૂરી છે એક વખત સાબિત થયું છે. ભાવનગર જિલ્લાના વાળુકડ ગામના વતની અને સામાન્ય ખેડૂત પરિવારના દીકરા ખુશાલ ઠંઠને NEET-UG 2026માં 695 માર્ક્સ સાથે ઓલ ઇન્ડિયા રેન્ક (AIR) 78 પ્રાપ્ત કરીને માત્ર ઓજ સંસ્થા જ નહીં, પણ સમગ્ર ભાવનગરનું શિક્ષણ ક્ષેત્રે ગૌરવ વધાર્યું છે.
ઐતિહાસિક સિદ્ધિ મેળવનાર ખુશાલે પોતાની અવિરત મહેનત, શિસ્ત અને સમર્પણથી સાબિત કરી દીધું છે કે સપનાઓને સાકાર કરવા માટે ભૌતિક પરિસ્થિતિ નહીં, પરંતુ દૃઢ સંકલ્પ અને અડગ મનોબળ જરૂરી છે. એક સામાન્ય ખેડૂત પરિવારના પુત્ર તરીકે પ્રાપ્ત કરેલી આ અદભૂત સિદ્ધિ માત્ર તેમના પરિવાર માટે જ નહીં, પરંતુ સમગ્ર ભાવનગર અને ઓજ ઇન્સ્ટિટ્યૂટ ઓફ સાયન્સ માટે અત્યંત ગૌરવની વાત છે.
ખુશાલની આ સફળતા અને સિદ્ધિ ભાવનગરના અન્ય હજારો વિદ્યાર્થીઓ માટે પ્રેરણાસ્ત્રોત બનશે અને આવનારા વિદ્યાર્થીઓને વધુ ઊંચા લક્ષ્ય પ્રાપ્ત કરવા પ્રોત્સાહિત કરશે.આ અસાધારણ સિદ્ધિ બદલ ઓજ ઇન્સ્ટિટ્યૂટ ઓફ સાયન્સ પરિવાર ખુશાલ ઠંઠને હાર્દિક અભિનંદન પાઠવે છે અને તેના ઉજ્જવળ ભવિષ્ય માટે મંગલ શુભેચ્છાઓ વ્યક્ત કરે છે.
